7 مامىر كۇنى «قازگيدرومەت» ەلىمىزدىڭ بىرقاتار وڭىرىندە قولايسىز اۋا رايىنا بايلانىستى داۋىلدى ەسكەرتۋ جاريالادى, دەپ حابارلايدى Egemen.kz.
استانا قالاسىندا قىسقا مەرزىمدى جاڭبىر مەن نايزاعاي كۇتىلەدى.
اقمولا وبلىسىنىڭ باتىسى, سولتۇستىگى, وڭتۇستىگى مەن ورتالىعىندا جاڭبىر, نايزاعاي, كەي جەرلەردە قاتتى جاڭبىر مەن بۇرشاق بولجانىپ وتىر. جەل ەكپىنى سەكۋندىنا 15–20 مەترگە دەيىن جەتەدى. ءوڭىردىڭ وڭتۇستىك-شىعىسىندا ءورت قاۋپى جوعارى.
اقتوبە وبلىسىندا دا جاڭبىر, نايزاعاي, كەي اۋماقتا بۇرشاق پەن داۋىل كۇتىلەدى. وڭتۇستىك بولىگىندە جوعارى ءورت قاۋپى ساقتالادى.
اتىراۋ, باتىس قازاقستان جانە سولتۇستىك قازاقستان وبلىستارىندا قاتتى جاڭبىر, نايزاعاي, ەكپىندى جەل جانە كەي جەرلەردە تۇمان بولادى دەپ بولجانۋدا.
قوستاناي, پاۆلودار, شىعىس قازاقستان جانە ۇلىتاۋ وبلىستارىندا جاڭبىر مەن نايزاعاي كۇتىلەدى. كەي وڭىرلەردە جەل كۇشەيەدى.
قىزىلوردا جانە تۇركىستان وبلىستارىندا شاڭدى داۋىل بولجانىپ وتىر. سونىمەن قاتار ءورت قاۋپى جوعارى دەڭگەيدە ساقتالادى.
الماتى, جامبىل, قاراعاندى جانە ماڭعىستاۋ وبلىستارىندا دا جوعارى ءورت قاۋپى مەن قاتتى جەل كۇتىلەدى.
سينوپتيكتەر تۇرعىنداردى ساق بولىپ, اۋا رايىنىڭ وزگەرىستەرىن ەسكەرۋگە شاقىردى.