شىعىس قازاقستان وبلىسىندا سيرەك كەزدەسەتىن جىرتقىش – قار بارىسىن زەرتتەۋ ماقساتىندا كەشەندى دالالىق ەكسپەديتسيا جۇرگىزىلدى. جۇمىسقا كاتونقاراعاي ۇلتتىق پاركىنىڭ ماماندارى, ارشاتى ورمانشىلىعىنىڭ مەملەكەتتىك ينسپەكتورلارى جانە قازاقستاننىڭ زوولوگيا ينستيتۋتىنىڭ عالىمدارى قاتىستى, دەپ جازادى Egemen.kz.
ەكسپەديتسيا بارىسىندا ماماندار بۇرىن ورناتىلعان فوتوتۇزاقتاردى تەكسەرىپ, جاڭا فوتوتۇزاقتار ورناتتى. بۇل قۇرىلعىلار – سيرەك ءارى وتە ساق جانۋارلاردى تابيعي ورتادا باقىلاۋدىڭ ەڭ ءتيىمدى عىلىمي ادىستەرىنىڭ ءبىرى.
الماتى وبلىسىندا قار بارىسىنىڭ ءىزى انىقتالدى
تەكسەرۋ كەزىندە كۇتپەگەن سيرەك جاعداي تىركەلدى. بۇرىن ورناتىلعان فوتوتۇزاقتاردىڭ ءبىرىن قار بارىسى زاقىمداپ, قۇرىلعىنى تولىق ىستەن شىعارعان. سونىڭ سالدارىنان ىشىندەگى فلەش-كارتاداعى دەرەكتەر ساقتالماي قالعان.
قازىرگى ۋاقىتتا قار بارىسىن زەرتتەۋ جۇمىستارى جۇيەلى تۇردە جالعاسىپ جاتىر.
قازاقستاندا قار بارىسىنىڭ سانى 190-عا جەتتى