الماتىدا «باتىرلارعا تاعزىم – ماڭگى جادىمىزدا» پاتريوتتىق اكتسياسى وتەدى

«بارشاڭىزدى قازاقستان رەسپۋبليكاسىنىڭ وتان قورعاۋشىلار جانە ۇلى جەڭىس كۇنىمەن شىن جۇرەكتەن قۇتتىقتايمىن! 7 مامىردا, وتان قورعاۋشىلار كۇنىنە وراي ءبىز بەيبىتشىلىكتى قورعاعان, ەركىندىك پەن قاۋىپسىزدىگىمىزدى ساقتاعانداردى قۇرمەتتەيمىز. جەڭىس كۇنى – ۇرپاقتاردى بىرىكتىرەتىن مەرەكە. ول ۋاقىت ساباقتاستىعىن, ۇلكەندەرگە قۇرمەت كورسەتۋ مەن قازا تاپقانداردى جادىمىزدا ساقتاۋ كەرەك ەكەنىن بىلدىرەدى», دەپ اتاپ ءوتتى ول.

قوعام قايراتكەرى اۋقىمدى ەسكە الۋ شاراسىن دايىنداپ جاتقانىن حابارلادى. مۇرات ابدۋشۇكىروۆتىڭ ايتۋىنشا, الماتى قالاسىنىڭ «اۋعانستان سوعىسى ارداگەرلەرى وداعى» ءداستۇرلى شەرۋ وتكىزۋ ءۇشىن قالا بيلىگىنەن بارلىق قاجەتتى رۇقساتتاردى العان.

« ۇلى جەڭىس كۇنىنىڭ قارساڭىندا ءبىزدىڭ الماتى قالاسىنداعى «اۋعانستان سوعىسى ارداگەرلەرى وداعى» اكىمدىكپەن كەلىسىپ, «باتىرلارعا تاعزىم – ماڭگى جادىمىزدا» پاتريوتتىق اكتسياسىن ۇيىمداستىرادى. شارا 9 مامىردا ساعات 10:00-دە باستالادى. مارشرۋت وتكەن جىلعىداي بولادى. ءبىز گوگول كوشەسى ارقىلى «ورتالىق مادەنيەت جانە دەمالىس ساياباعىنان» زەنكوۆ كوشەسىنە دەيىن ءجۇرىپ, كەيىن «28 پانفيلوۆشىلار پاركىندە» ماڭگى وتقا گۇل شوقتارىن قويامىز»,  دەپ جازدى بىرلەستىك توراعاسى.

مۇرات ابدۋشۇكىروۆ الداعى شارانىڭ فورماتىن ەگجەي-تەگجەي سيپاتتاپ, قازاقستاندىق باتىرلاردى دارىپتەۋ جانە اتا-بابامىزدىڭ ەكىنشى دۇنيەجۇزىلىك سوعىس جىلدارىنداعى ەرلىگىن ەستە ساقتاۋ باستى ماقسات ەكەنىن جەتكىزدى.

ء«بىز ۇلى وتان سوعىسىنا قاتىسقان ارداگەرلەرىمىزدىڭ, اكەلەرىمىزدىڭ, اتالارىمىزدىڭ سۋرەتتەرىن كوتەرىپ ءوتىپ, اشىق اسپاندى سىيلاعاندارعا شەكسىز العىسىمىزدى بىلدىرەمىز. جەڭىس كۇنى جاي عانا مەرەكە ەمەس, سونىمەن قاتار قازىرگى بەيبىت زامان مەن ەركىندىكتى باعالاۋدىڭ قانشالىقتى ماڭىزدى ەكەنىن ەسكە سالاتىن كۇن. بۇل كۇن بارلىعىمىز ءۇشىن بىرلىكتىڭ, باتىلدىق پەن ءپاتريوتيزمنىڭ نىشانىنا اينالسىن»,  دەدى ول.

توراعا ءوز جازباسىندا اكتسيانىڭ ەرەجەلەرى مەن ادەپ نورمالارىنا ەرەكشە توقتالىپ, شارانىڭ ادامداردى بىرىكتىرۋگە ارنالعانىن جانە ساياسي الاڭعا اينالماۋى كەرەكتىگىنە ەرەكشە نازار اۋداردى.

«اكتسيا ساياسي سيپاتتان ادا, تەك پاتريوتتىق تۇرعىدا وتەدى. بارلىق قاتىسۋشىلاردى ارانداتۋشىلىق سيمۆوليكا, ساياسي نەمەسە شارا ماقساتتارىنا قاتىسى جوق وزگە دە بەلگىلەردى پايدالانباۋعا شاقىرامىز. بۇل ترانسپارانتتار مەن باسقا دا اتريبۋتيكاعا قاتىستى», دەدى مۇرات ابدۋشۇكىروۆ.

سونداي-اق, توراعا ۇيىمداستىرۋشىلاردىڭ مەرەكەنى بىرىڭعاي ستيلدە بەزەندىرۋدى قامتاماسىز ەتكەنىن ايتتى. قاتىسۋشىلارعا قازاقستاندىق پاتريوتيزم رۋحىن بەينەلەيتىن ۇلتتىق سيمۆولدار مەن ەستەلىك بەلگىلەرى ۇسىنىلادى.

«شارا وتەتىن جەردە «جەڭىس لەنتاسى» مەن قازاقستان رەسپۋبليكاسىنىڭ مەملەكەتتىك تۋى تاراتىلاتىن بولادى. بارلىق جوسپارلانعان ءىس-شارالار ۇلى جەڭىستىڭ 81 جىلدىعىن لايىقتى دەڭگەيدە اتاپ وتۋگە, پاتريوتيزم رۋحى مەن ۇلكەندەردىڭ ەرلىگىنە دەگەن قۇرمەتتى نىعايتۋعا مۇمكىندىك بەرەتىنىنە سەنىمدىمىن. ەسىك بارلىعىنا اشىق», دەپ تۇيىندەدى مۇرات ابدۋشۇكىروۆ.