جىل سوڭىنا دەيىن قازاقستانعا 700 مىڭعا جۋىق شەتەلدىك تۋريست كەلەدى دەپ كۇتىلۋدە. بۇل تۋرالى مادەنيەت جانە سپورت ۆيتسە-ءمينيسترى ەرجان ەركىنباەۆ ىشكى ءتۋريزمدى دامىتۋ ماسەلەلەرى بويىنشا كوشپەلى كەڭەستە ايتتى, دەپ حابارلايدى Egemen.kz ۇكىمەت باسشىسىنىڭ سايتىنا سىلتەمە جاساپ.
«28 ەلمەن 107 باعىت بويىنشا حالىقارالىق قاتىناس, سونداي-اق 77 ەلدىڭ ازاماتتارى ءۇشىن ۆيزاسىز رەجيم قالپىنا كەلتىرىلدى. ۇلتتىق پاركتەرگە كەلۋشىلەر سانى دا ءوستى. 2021 جىلدىڭ قورىتىندىسى بويىنشا 1,5 ميلليون ادامدى قۇرايدى. 2022 جىلدىڭ سوڭىنا دەيىن ۇلتتىق پاركتەرگە كەلۋشىلەردىڭ سانىن 1,6 ميلليونعا دەيىن ارتتىرۋ جوسپارلانىپ وتىر», دەلىنگەن حابارلامادا.
ىشكى تۋريزمگە كەلەتىن بولساق, وتكەن جىلى 6,9 ميلليون ىشكى تۋريست بولعان, بۇل - 2020 جانە 2019 جىلدارمەن سالىستىرعاندا رەكورد كورسەتكىش.
eQonaq جۇيەسىنىڭ ارقاسىندا تۋريستەردى 6 مىڭنان استام قولدانۋشى, سونىڭ ىشىندە قوناقۇيلەر, تۋروپەراتورلار جانە ءتىپتى جەكە تۇلعالار تىركەيدى. سول ارقىلى شەنەۋنىكتەر ناقتى ۋاقىت رەجيمىندە تۋريستەردىڭ قايدان كەلەتىنىن, ولاردىڭ جاسىن, جىنىسىن, بولۋ ۇزاقتىعىن, ساپار باعىتى بويىنشا قالاۋلارىن كورەدى.
جىل سوڭىنا دەيىن قازاقستاندا نەگىزگى كاپيتالعا سالىنعان ينۆەستيتسيالاردى 708 ميلليارد تەڭگەگە دەيىن ءوسىرۋ جوسپارلانعان. وتكەن جىلدىڭ قورىتىندىسى بويىنشا 31 مىڭنان استام جۇمىس ورنى اشىلدى.