وقۋ-اعارتۋ ءمينيسترى ءوڭىر تۇرعىندارىمەن كەزدەستى

وقۋ-اعارتۋ ءمينيسترىنىڭ ءوڭىر تۇرعىن­دارىمەن ەسەپ بەرۋ كەزدەسۋى ءۇش ساعاتقا سوزىلدى. وندا حالىقتىڭ كوبىن جۇيەلى ماسەلەلەر ەمەس, جەرگىلىكتى ءبى­لىم بەرۋ قىزمەتكەرلەرى مەن جەر­گىلىكتى اتقارۋشى ورگان­دار­دىڭ دەن قويىپ, نازار اۋدا­رۋىن قاجەت ەتەتىن جەكە ما­سە­لەلەر تولعان­دىراتىنىن باي­قالدى. بۇل تۋرالى مينيستر فەيس­بۋكتەگى پاراقشاسىندا جازدى.

«سونىمەن قاتار تۇركىستان وبلى­سى­نىڭ تۇرعىندارىمەن كەزدەسۋدە اۋدان­دىق بولىمدەر مەن وبلىستىق ءبىلىم باس­قارمالارىنىڭ وقۋ-اعارتۋ مي­نيسترلىگىنە باعىنۋىنىڭ ما­ڭىزدىلىعى, ديرەكتورلاردى روتاتسيالاۋ, مەكتەپتەردە­گى پەداگوگ-اسسيستەنتتەر سانىن كوبەيتۋ, كوللەدجدەردى بە­يىن­دى مينيسترلىكتىڭ تىكەلەي باس­قارۋىنا بەرۋ, مەكتەپتەر مەن بالاباقشالاردى جاب­دىق­تاۋ ءۇشىن جەرگىلىكتى بيۋدجەت­تەن قارجىلاندىرۋدىڭ جەتىس­پەۋشىلىگى تۋرالى ماسەلەلەر كو­تەرىلدى. بۇعان قوسا سوت شەشىم­دەرىنىڭ اپەللياتسياسىنا جانە ەڭبەك داۋلارىنا قاتىستى دا سۇراقتار قويىلدى. كوپتەگەن سۇراق وبلىستاعى مۇعالىمدەر مەن مەكتەپ ديرەكتورلارىنىڭ قارىم-قاتىناسىنا قاتىستى بولدى. مۇنداي انتيرەيتينگتە تۇركىستان وبلىسى رەسپۋبليكا بويىنشا «كوشباسشى» سانالاتىنىن اتاپ وتكىم كەلەدى. ءبىلىم بولىمدەرى مەن ءبىلىم بەرۋ ۇيىمىنىڭ باسشىلارى وسى باعىتتا ءتيىستى جۇمىس جۇرگىزۋى قاجەت», دەدى ا.ايماعامبەتوۆ.

ونىڭ ايتۋىنشا, مەكتەپكە دەيىنگى ۇيىمداردا مەملەكەتتىك تاپسىرىستاردى ورنالاستىرۋ بولىگىندە سىبايلاس جەمقور­لىققا قاتىستى شاعىمدار بولدى. ەندى بۇل اقپارات زەرتتەلىپ, تەكسەرۋ قورىتىندىسى بويىنشا شارا قابىلدانادى.

سونىمەن قاتار ا.ايماعام­بەتوۆ بيىل ءبىلىم سالاسىندا جاڭا جوبا جۇزەگە اساتىنىن مالىمدەدى. رەسپۋبليكا كو­لە­مىندە بىلىكتى, ءبىلىمدى پەدا­گوگ­تەر ىرىكتەلىپ, مۇعا­لىم تاپ­شىلىعى بار ايماقتارعا جىبەرىلەدى. جوبا العاشقىدا اتىراۋ, ماڭعىستاۋ, الماتى, تۇركىستان وبلىستارىندا وتەدى.

سونداي-اق مينيستر بيىل­دان باستاپ مۇعالىمدەردى جۇ­مىس­قا قابىلداۋ جاڭا ەرەجەگە ساي جۇزەگە اساتىندىعىن جەت­كىزدى جانە مەكتەپ ديرەكتورلارىن روتاتسيالاۋ ءىسى الداعى ۋاقىتتا جالعاساتىندىعىن ايتىپ ءوتتى.

«ەندى مۇعالىمدەردى جۇمىس­قا قابىل­داۋدى ديرەكتورلار شەشپەيدى. بۇل جۇمىس ۇمىت­كەرلەردىڭ ناقتى جيناعان بال­دارى بو­يىنشا, كونكۋرس ارقى­لى, ساندىق جۇيەمەن ىسكە اسادى. رەسپۋبليكا بويىنشا 500-گە جۋىق ديرەكتور روتاتسيالاۋ­دان ءوتتى. مەنىڭ ويىمشا وتە قاجەت­تى شارا. زاڭعا سايكەس روتاتسيا ينستيتۋتىن جالعاستىرامىز», دەدى ول.

جيىن بارىسىندا مينيستر 1 قىر­كۇ­يەكتەن باستاپ ءبىلىم سا­­لاسىنا ەنگىزىلەتىن جاڭا­لىق­تاردى اتاپ ءوتتى. ياعني بيىلعى وقۋ جىلىنان باستاپ قازاق مەك­تە­بىنىڭ ءبىرىنشى سىنىبىنا بار­عان بالالار تەك قازاق تىلىندە ءبىلىم الادى.

«مۇنىڭ الدىندا ءبىرىنشى سىنىپقا بارعان بالا اعىلشىن ءتىلىنىڭ الىپپەسىن وقۋ كەرەك بول­دى. ورىس ءتىلىنىڭ الىپپەسىن, قازاق ءتىلىنىڭ الىپپەسىن وقۋ كەرەك بولدى. بۇل 6 جاستاعى بالا ءۇشىن قيىن. بالانى دامىتۋ ءۇشىن انا ءتىلىن ۇيرەتىپ العان وتە ماڭىزدى. ءبىز سول شەشىمدى قابىلدادىق. بيىلدان باستاپ قازاق ءتىلدى مەكتەپكە بارعان بالالار, تەك قازا تىلىندە جازىپ, ۇيرەنەتىن بولادى», دەدى ا.ايماعامبەتوۆ.

سونداي-اق مينيستر پەدا­گوگتەردىڭ مارتەبەسىن كوتەرۋ باعىتىندا اتقارىلىپ جاتقان جۇمىستاردىڭ ناتيجە بەرە باس­تاعانىن جەتكىزدى.

«مۇعالىمدەردى وزدەرىنە ءتان ەمەس جۇ­مىستاردان بوساتتىق. جالاقىسى ءوستى. قازىر بۇل ما­سەلە نەگىزىندە شەشىلدى. سونىڭ ىشىندە ءارتۇرلى قۇجات, ءارتۇرلى ەسەپ تاپسىرۋ بويىنشا ۇلكەن پروبلەما بولدى. جالپى, مەن قول قويعان بۇيرىق بويىنشا پەداگوگ بىرىنشىدەن كۇندەلىك­تى ەلەكتروندى جۋرنالعا باعا قويادى. ەكىنشىسى كۇندەلىكتى وقۋ جوسپارىن دايىندايدى. ءبىتتى, باسقا ەشتەڭە بولماۋى كە­رەك. كىمدە-كىم وسى بۇيرىقتى بۇزاتىن بولسا, وندا ءبىز ولاردى قاتاڭ جاۋاپكەرشىلىككە تارتامىز. الدىڭعى جىلى وسى باعىتتا 700-گە جۋىق ادام ءتۇرلى جاۋاپكەرشىلىككە تارتىلدى», دەدى مينيستر.

ۆەدومستۆو باسشىسى ەسەپ بەرۋ كەزدە­سۋىندە قويىلعان سا­ۋالدىڭ بارلىعىنا جاۋاپ بەر­گەننەن كەيىن اۋدانداردىڭ, قالالاردىڭ ءبىلىم بولىمدەرى مەن كوللەدج باسشىلارىمەن جەكە جيىن وتكىزدى.

«قورىتا كەلگەندە, وب­لىس­­تىڭ ءبىلىم بەرۋ سالاسىن­دا شە­شىلمەگەن بىرقاتار ما­سەلە بار. تۇركىستان وبلىسى ءبىلىم باسقار­ما­سىنىڭ قا­زىر­گى باسشىسىنىڭ وبلىس باس­­شىلىعى شەشىمىمەن تاعايىن­دالعانىنا از عانا ۋاقىت بولدى. ەندى ونىڭ الدىندا قوردالانعان ماسەلەلەردى شەشۋ بويىنشا ماڭىزدى مىندەتتەر تۇر. تۇركىستان وبلىسىنىڭ تۇرعىندارىنا ۋاقىت ءبولىپ, كەزدەسۋگە كەلگەندەرى جانە ءبىلىم سالاسىنا بەيجاي قاراماعانى ءۇشىن العىس ايتامىن», دەدى ا.ايماعامبەتوۆ.

وقۋ-اعارتۋ ءمينيسترى وسى ساپارى كەزىندە تۇركىستان وبلىسىنداعى التى اۋىلعا بارىپ, جەتى مەكتەپتىڭ جۇمىسىمەن تانىستى. سونىڭ ىشىندەگى ەكى مەكتەپ باسشىسىنىڭ جۇمىسىن تومەن دەپ باعالادى.

ء«وز قۇزىرەتتەرىندەگى مىن­دەتتەرىن ورىنداۋىنا جانە قا­جەتتى جۇمىستى ۇيىم­داس­تى­رۋلارىنا قاتىستى سۇراقتار بار. سونداي-اق مەكتەپتەردىڭ بىرىندەگى كىتاپحا­ناشىعا «وقۋ­عا قۇشتار مەكتەپ» جوباسى بو­يىنشا اتقارىپ جاتقان جۇ­مى­سى ءۇشىن العىسىمدى ايتتىم. تاعى ەكى مەكتەپتە وسى جو­با بويىنشا جۇمىس ءتيىستى دەڭ­گەيدە ورىندالىپ وتىرعان جوق. مەكتەپ باسشىلارى­نىڭ اتتەستاتسيادان ءوتۋ مەرزىمى ءوتىپ كەتسە دە, كەيبىر وبلىس اۋداندارىندا 5 جىلدان استام ۋاقىت بويى اتتەستاتسيا وتكىزىلمە­گەن. وسى وبلىستىڭ باسقا دا ءبىلىم بەرۋ ۇيىمدارىنىڭ جۇمى­سىمەن تانىسامىن», دەدى ا.ايماعامبەتوۆ.

تۇركىستان وبلىسى