«قازگيدرومەت» رمك-سى شىلدەنىڭ 9-ى كۇنگى كۇن رايى بولجامىن جاريالادى, دەپ حابارلايدى Egemen.kz «قازگيدرومەت» رمك-نا سىلتەمە جاساپ.
كاسىپورىن تاراتقان دەرەكتەرگە قاراعاندا, وڭتۇستىك تسيكلونى جانە ونىمەن بايلانىسقان اتموسفەرالىق فرونتالدى بولىكتەردىڭ ىقپالىمەن قازاقستاننىڭ باسىم بولىگىندە جاڭبىر جاۋادى.
سونداي-اق نايزاعاي ويناپ, بۇرشاق جاۋادى, جەل كۇشەيىپ, رەسپۋبليكانىڭ شىعىسىندا داۋىل تۇرادى, تۇندە جانە تاڭەرتەڭ سولتۇستىك-باتىستا, سولتۇستىكتە, ورتالىقتا تۇمان تۇسەدى. تەك قازاقستاننىڭ باتىس جانە وڭتۇستىك ايماقتارىنا باتىس انتيتسيكلونى ىعىسىپ, كۇن اشىق بولادى.
قىزىلوردا وبلىسىنىڭ باتىسىندا, شىعىسىندا, اباي وبلىسىنىڭ شىعىسىندا, تۇركىستان وبلىسىنىڭ سولتۇستىگىندە, ءشولدى اۋداندارىندا, قاراعاندى وبلىسىنىڭ وڭتۇستىك-شىعىسىندا, جامبىل وبلىسىنىڭ وڭتۇستىگىندە, الماتى وبلىسىنىڭ باتىسىندا توتەنشە ءورت قاۋپى ساقتالادى.