استانا. 28 ءساۋىر. بۇگىن م.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىندەگى ءدارىسى بارىسىندا قازاقستان پرەزيدەنتى نۇرسۇلتان نازارباەۆ ممۋ پروفەسسورلارىنىڭ «نازارباەۆ ۋنيۆەرسيتەتىمەن» ىنتىماقتاسا جۇمىس ىستەيتىنىنە سەنىم ءبىلدىردى.بۇل تۋرالى «قازاقپارات» اگەنتتىگى حابارلادى.
ەسكە سالا كەتەيىك, مەملەكەت باسشىسى وندا ەۋرازيالىق ىقپالداستىق تاقىرىبىندا ءدارىس وقىعان بولاتىن.
ءسوز اراسىندا ەلباسى قازاقستاندا الەمدىك دەڭگەيدەگى جاڭا ۋنيۆەرسيتەت اشىلعانىن, ەلىمىزدىڭ بارلىق وڭىرلەرىندە زياتكەرلىك مەكتەپتەرى جۇمىس ىستەپ جاتقانىن جەتكىزدى.
«مەن وسى جىلدار ىشىندە قانداي دا ءبىر نىسانعا ءوز اتىمدى بەرۋگە رۇقسات بەرمەگەن ەدىم. بىراق مۇندا ماسەلە ءبىلىم تۋرالى بولىپ وتىر, سوندىقتان دا ۇكىمەتتىڭ دە, باسقانىڭ دا نازارىن اۋدارۋعا, مەنىڭ اتىمنىڭ ءبىلىمدى دامىتۋعا جاردەمى بولسا, وعان نەگە كەلىسپەسكە؟ وسى وقۋ ورنى «نازارباەۆ ۋنيۆەرسيتەتى» دەپ اتالادى», - دەدى قازاقستان پرەزيدەنتى.
سونىمەن قاتار ەلباسى ۋنيۆەرسيتەت تۋرالى ايتا كەلە, ونىڭ ەرەكشە مارتەبەسىنە توقتالىپ, وسى وقۋ ورنى ءۇشىن ەرەكشە زاڭ قابىلدانعانىن اتاپ ءوتتى. مۇنداعى پروفەسسورلاردىڭ 70 پايىزى الەمنىڭ الدىڭعى قاتارلى ۋنيۆەرسيتەتتەرىنەن شاقىرىلعان, ساباقتار تولىعىمەن اعىلشىن تىلىندە وتەدى, الەمنىڭ ءتۇرلى ورتالىقتارىنداعى ءتارىزدى زەرتحانالار اشىلعان.
«نازارباەۆ ۋنيۆەرسيتەتى» ماسكەۋ مەملەكەتتىك ۋنيۆەرسيتەتىمەن ىنتىماقتاسۋعا دايىن. ءبىز ممۋ پروفەسسورلارى بىزدە جۇمىس ىستەۋگە قىزىعۋشىلىق تانىتادى دەپ سەنەمىز», - دەدى نۇرسۇلتان نازارباەۆ.
ساكەن مايلىباي.
دەرەككوز: قازاقپارات.
فوتو: www.matritca.kz.