استانا. 28 ءساۋىر. «ەۋرازيالىق ەكونوميكالىق وداق وزگە ەلدەرگە ۇلگى بولعان كەزدە عانا ءبىز ونى تولىق قالىپتاستى دەي الامىز», – دەدى مەملەكەت باسشىسى ن.نازارباەۆ بۇگىنگى لومونوسوۆ اتىنداعى ماسكەۋ مەملەكەتتىك ۋنيۆەرسيتەتىندە بەرگەن ءدارىسى بارىسىندا. بۇل تۋرالى Bnews.kz حابارلادى.
«قازىر كەز-كەلگەن قاتەلىك نەمەسە كەمشىلىك ينتەگراتسيالىق پروتسەسكە دەگەن قولداۋدى ءۇزىپ, وعان نۇقسان كەلتىرۋى مۇمكىن. ال ءبىز ەۋرازيالىق ەكونوميكالىق وداقتى وزگە ەلدەرگە ۇلگى ەتپەكشىمىز. ونىڭ قارقىندى دامىپ, بارلىق قاتىسۋشى ەلدەرگە ءتيىمدى بولاتىنىن كورمەتپەكپىز. وسىلاردى ىسكە اسىرعاندا عانا ەكونوميكالىق وداعىمىزدى تولىق قالىپتاستى دەپ ايتا الامىز», – دەدى ەلباسى.
پرەزيدەنتتىڭ ايتۋى بويىنشا, ەكونوميكالىق وداق قۇرۋ جونىندەگى كەلىسسوزدە قازاقستاننىڭ بىرقاتار نەگىزگى پوزيتسياسى ءدال وسى ۇيعارىمدارعا نەگىزدەلەدى.
«سونىمەن قاتار, ارىپتەمتەرىمىز ءبىزدىڭ ۇسىنىستارىمىزعا تۇسىنىستىكپەن قاراعانىن ريزاشىلىقپەن ايتا الامىن», – دەدى مەملەكەت باسشىسى.
ايدار ورىسباەۆ.
دەرەككوز: Bnews.kz.
فوتو: Gazeta.kz.