استانا. 27 ءساۋىر. بۇگىن قازاقستاننىڭ بىرنەشە قالاسىندا فۋتبولدان پرەمەر-ليگا كوماندالارى اراسىندا كەزەكتى سەگىزىنشى تۋردىڭ ويىندارى وينالدى. بۇل تۋرالى egemen.kz ءتىلشىسى حابارلايدى.
تۋردىڭ بارىسىندا «اقتوبە» جەڭىسكە جەتىپ, جەكە-دارا توپ باسىنا شىقتى. ارمەنيا قۇراماسىنىڭ بۇرىنعى باس جاتتىقتىرۋشىسى ۆاردان ميناسياننىڭ قاراۋىندا الاڭعا ءبىرىنشى رت شىققان قوستانايدىڭ «توبىلى» جەڭىسكە جەتتى. قىزىلوردانىڭ «قايسارى» دميتري وگايدىڭ باپتاۋىمەن قاراعاندىنىڭ «شاحتەرىن»سۇرىندىردى.
استانادا قالا اتتاس كوماندا مەن اقتوبەلىكتەردىڭ ويىنىندا مەيماندار 2:1 ەسەبىمەن باسىم ءتۇستى. گولداردى قوناقتاردان يگور زەنكوۆيچ (4) پەن مارات حايرۋللين (44) سالسا, استانالىقتاردان فوكسي كەتەۆواما (15) جاۋاپ قايتاردى. ويىننىڭ ەكىنشى بولىگىندە الاڭ يەلەرىنىڭ جەڭىستى تارتىپ الۋلارىنا مۇمكىندىكتەرى بولدى. بىراق روحەر كانياس پەن كەتەۆواما مۇمكىندىكتەرىن پايدالانا المادى.
شىمكەنتتە دە وسى ەسەپ قايتالاندى. الايدا, وندا قوناقتار ەمەس, الاڭ يەلەرى باسىمدىق كورسەتتى. «ورداباسى» مۇندا سەمەيدىڭ «سپارتاگىن» قابىلدادى. شىم قالا كومانداسى ساپىنان ەندريۋ مۆەسيگۆا دۋبل (44, 73) جاساپ, كومانداسىنىڭ جەڭىسىن قامتاماسىز ەتتى. قارسى دوپتى قوناقتاردان نەمانيا چوۆيچ سالدى (65). ءسويتىپ, سەمەيلىكتەر كەزەكتى جەڭىلىستەرىنە ۇشىرادى. تۋرنيردە ءالى جەڭىسكە جەتىپ كورمەگەن كوماندا دا وسى بولىپ وتىر.
الماتىدا پاۆلوداردىڭ «ەرتىسىن» قابىلداعان «قايرات» تا وسىنداي ەسەپپەن ۇتىسقا جەتتى. ولاردى ەرمەك قۋانتاەۆ (40) پەن اسلان داراباەۆتىڭ (43) ءۇش مينۋت ىشىندە سوققان گولدارى وسىعان جەتكىزدى. ال مەيماندار ويىن اياقتالۋعا ەكى مينۋت قالعاندا جاۋاپ دوپ سوقتى (پرەدراگ گوۆەداريتسا, 88).
قالعان ويىنداردىڭ ءبارى 1:0 دەگەن ەسەپپەن اياقتالدى:
«توبىل» (قوستاناي) — «تاراز» (تاراز) 1:0 (0:0). گول: اناتولي بوگدانوۆ (5);
«قايسار» (قىزىلوردا) — «شاحتەر» (قاراعاندى) 1:0 (1:0). گول: يليا كالينين (60).
«جەتىسۋ» (تالدىقورعان) — «اتىراۋ» (اتىراۋ) 1:0 (1:0). گول: ۆيكتور كوۆالەۆ (32).
دامير قوجامقۇل.
دەرەككوز: egemen.kz.
فوتو: egemen.kz.