وتىز جىل بۇرىن ىشكى ىستەر ورگاندارى تۋرالى زاڭ قابىلدانعان ەدى, دەپ حابارلايدى Egemen.kz.
23 ماۋسىم – قازاقستان پوليتسياسىنىڭ كۇنى رەتىندە اتالىپ ءوتىپ كەلە جاتقانىنا 15 جىل تولىپ وتىر. 2007 جىلى وسى كۇن قازاقستاندا پوليتسيا كۇنى رەتىندە بەكىتىلگەن. سەبەبى, 1992 جىلعى 23 ماۋسىمدا قازاقستان جوعارعى كەڭەسى «قازاقستان رەسپۋبليكاسى ىشكى ىستەر ورگاندارى تۋرالى» زاڭ قابىلداعان ەدى. بۇل كۇنى ىشكى ىستەر ساپىنداعى پوليتسيا قىزمەتكەرلەرىنە قۇرمەت كورسەتىلىپ, تابىستى جۇمىسىمەن كوزگە تۇسكەندەر ماراپاتتالادى.
پرەزيدەنت قاسىم-جومارت توقاەۆتىڭ تاپسىرماسى بويىنشا قازاقستان پوليتسياسى سەرۆيستىك مودەلگە كوشۋ رەفورماسىن باستان وتكەرىپ جاتىر. ناقتىراق ايتساق, ۋچاسكەلىك پوليتسيا ينسپەكتورىنىڭ جاڭا بەينەسىن قالىپتاستىرۋ باعىتىندا كەشەندى شارالار قابىلدانۋدا. اكىمشىلىك جازا قولدانۋ تۋرالى قاۋلىنىڭ مارتەبەسى زاڭدى تۇردە ارتىپ, وكىلەتتەرى كەڭەيتىلدى. پوليتسيا وكىلدەرىنىڭ جۇمىس فورماسى دا وزگەرىپ, بۇرىنعى قاتاڭ تارتىپتەگى كيىمنىڭ ورنىنا قيمىلعا وڭتايلى, ىقشام ستيلدەگى فورمالار ەنگىزىلۋدە.