دۇنيەجۇزىلىك ەكونوميكالىق فورۋمنىڭ (دەف) جاريالاعان ەسەبىنە سايكەس, قازاقستان جەلىلىك دايىندىق يندەكسى بويىنشا 148 ەلدىڭ ىشىندە 38-ءشى ورىنعا يە بولدى. 2013 جىلمەن سالىستىرعاندا رەيتينگتىك كورسەتكىشتە 5 ساتىعا جوعارىلاپ, تمد مەملەكەتتەرى اراسىندا ەڭ جوعارى كورسەتكىشكە قول جەتكىزدى.
قازاقستاننىڭ الدىندا 37-ءشى ورىنعا كيپر مەملەكەتى, ال 39-شى ورىنعا لاتۆيا مەملەكەتى ورنالاسقان. رەسەي بولسا اتالعان كورسەتكىش بويىنشا 50-ءشى ورىنعا تۇراقتادى. 2014 جىلعى دەف رەيتينگىسىندە فينليانديا, سينگاپۋر, شۆەتسيا مەملەكەتتەرى كوش باستاپ تۇر.
جەلىلىك دايىندىق يندەكسى ەلدەگى اقپاراتتىق-كوممۋنيكاتيۆتىك تەحنولوگيالاردىڭ (اكت) دامۋ دەڭگەيىنە بايلانىستى انىقتالادى جانە ءبىرنەشە كورسەتكىشتەردەن قۇرالادى.
كورسەتكىشتەرگە كەلەر بولساق, قازاقستان ۇيالى بايلانىس ابونەنتتەرىنىڭ سانى بويىنشا 3-ءشى ورىندى يەلەنسە, كەڭ جولاقتى ينتەرنەت جەلىسىنە قولجەتىمدىلىك بويىنشا 8-ءشى ورىندا. ال, ۇيالى بايلانىس ءتاريفىنىڭ كورسەتكىشى جونىنەن 17-ءشى ورىندا.
«ەگەمەن-اقپارات».