استاناداعى مەكتەپتەردىڭ ءبىرىنىڭ اۋماعىندا بولعان قوعامدىق ءتارتىپ بۇزۋشىلىق دەرەگى پوليتسيا قىزمەتكەرلەرىنىڭ جەدەل ارەكەتىمەن انىقتالىپ, جولى كەسىلدى. وقيعاعا قاتىسقان بارلىق تۇلعا زاڭناماعا سايكەس جاۋاپكەرشىلىككە تارتىلدى, دەپ حابارلايدى Egemen.kz.
تەكسەرۋ بارىسىندا بەلگىلى بولعانداي, 17 جاستاعى ءجاسوسپىرىم اۆتوكولىكپەن مەكتەپ اۋماعىنا زاڭسىز كىرگەن. وعان ءتارتىپ ساقشىلارى تاراپىنان ەسكەرتۋ جاسالعان. ول اگرەسسيۆتى تۇردە جاۋاپ بەرگەن. سالدارىنان جانجال تۋىنداعان.
قۇقىق قورعاۋ ورگاندارىنىڭ مالىمەتىنشە, وقيعاعا قاتىسقان بارلىق ازاماتتىڭ ارەكەتى جان-جاقتى تەكسەرىلىپ, قۇقىقتىق باعا بەرىلگەن. سوت شەشىمىمەن كامەلەتكە تولماعان ءجاسوسپىرىم مەن مەكتەپ قىزمەتكەرى ۇساق بۇزاقىلىق جاساعانى ءۇشىن جاۋاپكەرشىلىككە تارتىلدى. سونداي-اق كولىك جۇرگىزۋشىسى جول ءجۇرىسى قاعيدالارىن بۇزعانى ءۇشىن اكىمشىلىك جازا الدى.
الماتىدا ءتارتىپ بۇزعان جاسوسپىرىمدەر ەل اۋماعىنان شىعارىلۋى مۇمكىن
قوسىمشا تۇردە ءجاسوسپىرىمنىڭ اتا-اناسىنىڭ تاربيەلەۋ مىندەتتەرىن تيىسىنشە ورىنداماۋىنا بايلانىستى جاۋاپكەرشىلىك ماسەلەسى قاراستىرىلىپ جاتىر. بۇل باعىتتاعى ماتەريالدار پروفيلاكتيكالىق شارا قابىلداۋ ءۇشىن ونىڭ تۇرعىلىقتى جەرى بويىنشا ءتيىستى ورگاندارعا جولدانعان.
پوليتسيا وكىلدەرى بالالار مەن جاسوسپىرىمدەر بار ورتادا قاۋىپسىزدىكتى قامتاماسىز ەتۋ ءۇشىن زاڭ مەن ءتارتىپتىڭ قاتاڭ ساقتالۋى مىندەتتى ەكەنىن اتاپ ءوتتى. كەز كەلگەن قۇقىق بۇزۋشىلىق پەن ورەسكەل ارەكەتتەر دەر كەزىندە توقتاتىلاتىنى ەسكەرتىلدى.
سونداي-اق قۇقىق قورعاۋ ورگاندارى ءاربىر مۇنداي جاعداي مىندەتتى تۇردە قۇقىقتىق باعالاناتىنىن, بۇل تەك جاۋاپكەرشىلىك شاراسى عانا ەمەس, الدىن الۋ جانە قوعامدىق قاۋىپسىزدىكتى نىعايتۋ تەتىگى ەكەنىن ەسكە سالدى.
جامبىل وبلىسىندا ەكى ءجاسوسپىرىمنىڭ ءمايىتى تابىلدى