تۇركىستان قالاسىنداعى «وليمپيك» سپورت سارايىندا قازاقستان, وزبەكستان, گرۋزيا, قىتاي, قىرعىزستان, تاجىكستان مەملەكەتتەرىنىڭ كىل مىقتى بىلعارى قولعاپ شەبەرلەرى اراسىندا xالىقارالىق تۋرنير ءوتتى.
جاستار اراسىندا بيىل ونىنشى رەت ۇيىمداستىرىلىپ وتىرعان تۋرنير سيدنەي وليمپياداسىنىڭ جانە الەم چەمپيوناتىنىڭ كۇمىس جۇلدەگەرى, ازيا ويىندارىنىڭ جەڭىمپازى, وڭتۇستىك قازاقستان وبلىسىنىڭ, ماقتارال اۋدانىنىڭ قۇرمەتتى ازاماتى, قازاقستان رەسپۋبليكاسىنىڭ ەڭبەك سىڭىرگەن سپورت شەبەرى مۇحتارحان دىلدابەكوۆتىڭ جۇلدەسىنە ارنالدى. بەس كۇن بويى باعى مەن بابىن سىناعان بوكسشىلار اراسىنداعى ءار كەزدەسۋ تارتىستى دا شيەلەنىستى ءوتتى. دەگەنمەن سالماق دارەجەسىندە جەڭىمپاز اتانعاندار اراسىندا تۇركىستان وبلىسىنىڭ جانە قىرعىزستاننىڭ بوكسشىلارى باسىم. مىسالى, تۇركىستان وبلىسىنىڭ سپورتشىلارى نۇرعيسا تۇرابەكوۆ, نۇريسلام قالدىباەۆ, ادىلەت ەلەمەس, ارحات تۇرعىنبەك, سادريددين ابدۋللا ءوز سالماق دارەجەلەرىندە الدىنا جان سالمادى. سونداي-اق 51 كيلو سالماقتا اقتوبەلىك ورالحان تۇرالين, 57 كيلودا وزبەكستاننان كەلگەن بوكسشى سايات يلياسوۆ, 67 كيلودا الماتى قالاسىنان نۇربەك مۋرسال, 75 كيلودا قىرعىزستان سپورتشىسى اتاي اسانبەكوۆ, 80 كيلودا تاعى ءبىر قىرعىزستاندىق بەكبول مۋراسبەكوۆ, 86 كيلودا قىرعىزستاندىق ەميرحان راجاپوۆ, 92 كيلودا جامبىل وبلىسىنىڭ بوكسشىسى ءاليجان قاناتبەك, 92+ كيلو سالماق دارەجەسىندە الماتىلىق ەرسۇلتان ساپار جەڭىمپاز اتاندى.
تۋرنير جەڭىمپازدارى مەن جۇلدەگەرلەرىن ەل نامىسىن الەمدىك ارەنالاردا قورعاپ وليمپيادا, الەم, ازيا چەمپيونى اتانعان بوكسشىلار – ەرماxان يبرايموۆ, بولات ءجۇمادىلوۆ, گاليف جافاروۆ, مۇحتارحان دىلدابەكوۆ, ءبىرجان جاقىپوۆ, قايرات ەراليەۆ قۇتتىقتادى. سونداي-اق جەڭىمپازدارعا ارنايى سىيلىقتاردى ۇوك سپورت ديرەكتسياسىنىڭ باسشىسى ەلسيار قاناعاتوۆ, شىمكەنت قالاسى ءماسليxاتىنىڭ xاتشىسى باحادىر نارىمبەتوۆ, تۇركىستان وبلىسى دەنە شىنىقتىرۋ جانە سپورت باسقارماسىنىڭ باسشىسى ق.جولدىقاراەۆ تابىس ەتتى.
تۇركىستان