قارجى ءمينيسترى ەرۇلان جاماۋباەۆ قر پارلامەنتى پالاتالارىنىڭ بىرلەسكەن وتىرىسىندا ەسەپ كوميتەتىنىڭ ۇلتتىق قوردان بەرىلەتىن نىسانالى ترانسفەرتتەردىڭ سوماسىن ۇلعايتۋ تۋرالى ەسكەرتۋىنە تۇسىنىكتەمە بەردى, دەپ حابارلايدى Egemen.kz.
«ەسەپ كوميتەتى ۇلتتىق قوردان بەرىلەتىن نىسانالى ترانسفەرتتەر سومالارىنىڭ ۇلعايۋىن بايقاۋدا. اعىمداعى شىعىنداردى قارجىلاندىرۋعا ەرەكشە نازار اۋدارىلدى. سونىمەن قاتار ترانسفەرتتەردىڭ ءوسۋى الەۋمەتتىك مىندەتتەمەلەردى, داعدارىسقا قارسى شارالاردى, مەملەكەتتىك باعدارلامالاردى قارجىلاندىرۋ جانە جالعاسىپ جاتقان پاندەميا جاعدايىندا ەكونوميكاداعى ىسكەرلىك بەلسەندىلىكتى قولداۋ قاجەتتىلىگىنە نەگىزدەلگەن», دەدى قارجى ءمينيسترى.
سونىمەن قاتار ول وتكەن جىلى ۇلتتىق قورعا مۇناي سەكتورىنان تۇسەتىن تىكەلەي سالىق تۇسىمدەرىنىڭ كولەمى وتكەن جىلمەن سالىستىرعاندا 1,8 ەسە ارتقانىن اتاپ ءوتتى.
سونىمەن قاتار, مينيستر 2022 جىلدان باستاپ كەپىلدەندىرىلگەن ترانسفەرت مولشەرىن انىقتاۋ كونترتسيكلدىك بيۋدجەت ەرەجەسىنە نەگىزدەلەتىنىن ايتتى.
«جاڭا تاسىلدەرگە سايكەس قارجىنى ۇلتتىق قوردان بيۋدجەتكە باعىتتاۋ قوردىڭ مۇناي سەكتورىنان تۇسەتىن كىرىستەرىنەن اسپايدى. بۇدان باسقا بيۋدجەت شىعىستارىنا شەكتەۋلەر قابىلداندى. بۇل ونىڭ قوردىڭ جيناقتاۋ فۋنكتسياسىن كۇشەيتە وتىرىپ, اكتيۆتەردى كوبىرەك جيناقتاۋعا مۇمكىندىك بەرەدى», دەپ قوستى ە.جاماۋباەۆ.