عىلىم جانە جوعارى ءبىلىم ءمينيسترى ساياسات نۇربەك قازاقستان عىلىمىن تانىمال ەتۋ قاجەتتىگىن ايتتى, دەپ حابارلايدى Egemen.kz.
ونىڭ ايتۋىنشا, جاڭا مينيسترلىكتىڭ باستى باعىتتارىنىڭ ءبىرى – عىلىمدى دارىپتەۋ.
«قازىر عىلىمدى قايتادان تانىمال, قىزىقتى ەتۋ, عىلىمي مانساپتان ۇلكەن مانساپتىق ترامپلين جاساۋ وتە ماڭىزدى. بۇكىل Marvel فيلمدەرىن قاراساڭىزدار: بريۋس بەننەر – حالك – عالىم, توني ستارك – عالىم. بارلىق كەيىپكەرلەر – عالىمدار. يننوۆاتور رەتىندە, الەمدى جانە ەلىمىزدى العا جىلجىتىپ, جاقسارتاتىن ادام رەتىندە عالىم مارتەبەسىن قايتارۋىمىز كەرەك», دەدى ساياسات نۇربەك ۇكىمەت وتىرىسىنان كەيىن باق وكىلدەرىنە بەرگەن سۇحباتىندا.
ءوز سوزىندە عىلىم ءمينيسترى وقۋ-اعارتۋ ءمينيسترى اسحات ايماعامبەتوۆتىڭ مۇعالىم مارتەبەسىن قايتارعانىن ەسكە سالدى.
ء«دال وسىلاي عالىمنىڭ مارتەبەسىنە دە نازار اۋدارتقىمىز كەلەدى. عالىم – بولاشاعى زور مانساپ. عالىمدار راسىندا دا الەمدى وزگەرتەدى. جانە ەڭ باستىسى, عالىمدار قولدانبالى فورماتتا ەكونوميكالىق جانە الەۋمەتتىك دامۋعا, ءجىو-ءنىڭ وسۋىنە جانە باسقا فاكتورلارعا اسەر ەتەدى. ياعني, عىلىم الەۋمەتتىك-ەكونوميكالىق دامۋدىڭ سەرىكتەسى جانە كومەكشىسى رەتىندە دە ماڭىزدى», دەدى ساياسات نۇربەك.