حالىقتىڭ الەۋمەتتىك وسال توپتارى مەن جاستاردىڭ كاسىپكەرلىك باستامالارىن قولداۋعا بيۋدجەتتەن 25,8 ميلليارد تەڭگە بولىنگەن, دەپ حابارلايدى Egemen.kz.
بۇل تۋرالى ۇكىمەت وتىرىسىندا ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ايتتى. ونىڭ سوزىنشە, مينيسترلىك حالىقتىڭ الەۋمەتتىك وسال توپتارى مەن جاستاردىڭ كاسىپكەرلىك باستامالارىن قولدايدى. وسىنداي 20 مىڭ گرانتتى قارجىلاندىرۋعا بيۋدجەتتەن 25,8 ميلليارد تەڭگە كوزدەلگەن. قازىرگە دەيىن 1 400-دەن استام ازامات گرانت يەگەرى اتاندى.
ايتۋىنشا, بۇل ءىس-شارالار ءتيىمدى جۇزەگە اسىرىلۋى ءۇشىن ورتالىق مەملەكەتتىك جانە جەرگىلىكتى اتقارۋشى ورگاندار بەلسەندى جۇمىس ىستەۋى كەرەك. قۇزىرلى ورگاندار ءوزارا جانە جۇمىس بەرۋشىلەرمەن تىعىز قارىم-قاتىناس ورناتۋعا ءمان بەرۋى ءتيىس.