ونەرلى ورەندەرگە ءورىس

«باقىتتى بالالىق شاق» تاقىرىبىنداعى بەينەروليك بايقاۋى ونلاين فورماتتا وتكىزىلىپ, وقۋشىلاردىڭ شىعارماشىلىعىن قالىپ­تاس­تىرۋ ارقىلى بوس ۋاقى­تىن ءتيىمدى پايدالانۋعا بەيىم­دەۋدى ماقسات ەتكەن سايىسقا 18 بالدىرعان قاتىستى. با­لا بويىنا ەستەتيكالىق قا­بىلەت دارىتۋدى كوزدەگەن بايقاۋ قورىتىندىسى بو­يىنشا 10 بوبەكجاي-باقشا تاربيەلەنۋشىلەرى جەڭىمپاز اتانىپ, وبلىستىق ءبىلىم باس­قارماسىنىڭ العىس حاتتارى مەن باعالى سىيلىقتارىمەن ماراپاتتالدى.

– ۇلت ادەبيەتىن بايىت­قان ماعجان جۇماباەۆ شى­عار­ماشىلىعى قازاقتىڭ سارقىلماس قازىناسى. جىل­داعى داستۇرگە وبلىستىق ءبى­لىم باسقارماسىنىڭ قول­داۋى­مەن وقۋشىلار اراسىن­دا وتكىزىلگەن سايىستا اقىن­نىڭ ولەڭدەرى وقىلىپ, سولا­قاي ساياسات قۇربانى بولعان قالامگەردىڭ رۋحىنا قۇرمەت كورسەتىلدى, – دەيدى وبلىستىق «دارىن» قوسىمشا ءبىلىم بەرۋ ورتالىعى ديرەكتورىنىڭ ورىنباسارى كۇلجاحان سا­عىن­دىققىزى.

جالپى, ءبىلىم بەرۋ ۇيىم­دارىنداعى 7-11-سىنىپ وقۋ­شىلارى اراسىندا وت­كەن «ماعجان وقۋلارى» عىلى­مي-شىعارماشىلىق باي­­قاۋىنا قالا مەن اۋداندار­دان 30-دان استام وقۋشى قاتىسىپ, از عۇمىرىندا ۇل­تى ءۇشىن ۇلان­­-عايىر ءىس ءبىتى­رىپ كەتكەن ءسوز زەرگەرىنىڭ شىعار­ما­شى­لى­عىن ناسيحاتتاۋعا ۇلەس قوستى. سايىس قورىتىن­دىسى­مەن جەڭىمپاز اتانعان 14 وقۋشى ماراپاتتالدى.

وسى ءىس-شارالارمەن قاتار ورتالىق وبلىستىق ءبىلىم باس­­قارماسى مەن وبلىستىق دەنە شىنىقتىرۋ جانە سپورت باسقارماسىنىڭ قول­داۋى­مەن ء«نۇرسات» تەننيس ورتالىعىندا ەرەكشە قا­جەتتىلىكتەرى مەن دامۋ مۇمكىندىكتەرى بار بالالار اراسىندا «جۇلدىزاي-2022» ۇلتتىق ينكليۋزيۆتى ويىن­داردىڭ وبلىستىق كەزەڭىن ۇيىمداستىردى. بالالار جىلىنا وراي وتكەن سايىس­تا وقۋشىلار گولبول, ۇستەل تەننيسى, اسىق اتۋ, بەستاس, ميني-فۋتبول, پارا-كاراتە جانە جەڭىل اتلەتيكا سپورت تۇرلەرىنەن سايىستى.

ءداستۇرلى سپارتاكيادانىڭ وبلىستىق كەزەڭىنە قالا مەن اۋدانداردان جانە ارناۋلى مەكتەپ-ينتەرناتتار­دان 67 وقۋشى قاتىسىپ, جەڭىم­­پاز اتانعان 36 قاتى­سۋشى جەڭىس تۇعىرىنان كورىندى. جالپى, ۇلتتىق ينكليۋزيۆتى ويىنداردىڭ دامۋ مۇمكىندىكتەرى شەكتەۋلى با­لالاردى سپورتقا تارتۋ مەن ولاردى الەۋمەتتەندىرۋدەگى ماڭىزى ەرەكشە. وسى سايىس جەڭىمپازدارى الدا وتەتىن رەسپۋبليكالىق كەزەڭگە جولداما الىپ, ايماق ابىرويىن قورعايدى.

وبلىستا «Qabilet بالالار كوزىمەن» تاقىرىبىنا وتكىزىلگەن رەسپۋبليكالىق بايقاۋ دا ءساتتى ۇيىمداس­تىرىلدى. وعان «Qabilet» جوباسىنىڭ 10-11 جاستاعى 18 وقۋشىسى قاتىسىپ, باقتارىن سىنادى.

شىعارماشىل, ونەرلى دە تالانتتى جاستاردى انىق­تاپ, قولداۋعا ارنالعان سايىس­­تا قازالى اۋدانى №92 مەكتەپتىڭ 4-سىنىپ وقۋ­شى­سى ءالينۇر تولىباي, قى­زىل­وردا قالاسى, №136 مەك­تەپ-ليتسەيدىڭ 4-سىنىپ وقۋ­شىسى ايدانا دۇيس­ەنباەۆا, قارماقشى اۋدانى, №274 مەكتەپ-ليتسەيدىڭ 5-سىنىپ وقۋشىسى الۋا كالمىرزاەۆا جەڭىمپاز اتاندى.

ولارعا «ەلباسى اكادە­مياسى» كورپوراتيۆتىك قو­رىنىڭ سەرتيفيكاتتارى, ار­نايى سىيلىقتار تابىس­تالدى. سونىمەن قاتار وقۋ­شىلار سالعان ۇزدىك سۋرەتتەر قىركۇيەك ايىندا نۇر-سۇلتانداعى I حالىقارالىق پسيحولوگيالىق فورۋم قو­ناق­تارىنىڭ نازارىنا ۇسى­نىلادى.

اتاۋلى جىلداعى وسىن­داي شارالار ونەرلى ورەن­دەرگە ءورىس اشىپ وتىر.

قىزىلوردا