قازاقستاندا قۇرىلىس ساپاسىنا باقىلاۋ كۇشەيەدى. وسى ماقساتتا يندۋستريا جانە ينفراقۇرىلىمدىق دامۋ مينيسترلىگى بىرىڭعاي قۇرىلىس پورتالىن ازىرلەدى, دەپ حابارلايدى Egemen.kz.
يندۋستريا جانە ينفراقۇرىلىمدىق دامۋ مينيسترلىگى ءباسپاسوز قىزمەتىنىڭ حابارلاۋىنشا, اتالعان جۇيە قۇرىلىستىڭ بارلىق قاتىسۋشىلارىن بىرىڭعاي تسيفرلىق ورتادا شوعىرلاندىرۋعا مۇمكىندىك بەرىپ, جۇمىس ساپاسىن قاداعالاۋعا زور ىقپالىن تيگىزەدى.
سونىمەن قاتار پورتال جوبالاۋ-سمەتالىق قۇجاتتارىن ۆەدومستۆودان تىس ساراپتاما پورتالىنان اۆتوماتتى تۇردە الىپ, بارلىق قۇرىلىس قۇجاتتارىن تسيفرلىق (اكتىلەر, جۋرنالدار, نۇسقامالار) راسىمدەۋگە مۇمكىندىك بەرەدى.
«قازىرگى كۇندە جۇيەگە ەلىمىزدە جۇرگىزىلىپ جاتقان قۇرىلىس نىساندارى تۋرالى دەرەكتەر بازاسى جۇكتەلىپ, ساراپشىلاردى تەستىلەۋ بويىنشا مودۋلدەر ىسكە قوسىلدى. جۇيە تەست تاپسىرۋشى ماماندى اۆتوماتتى تۇردە تەكسەرەدى. وسى ارقىلى تەست تاپسىرۋى ءتيىس ماماننىڭ ورنىنا باسقا ادامنىڭ كىرۋىنىڭ الدىن الادى. تەحنيكالىق قاداعالاۋ ۇيىمدارى ەتسق ارقىلى قۇرىلىس بارىسى تۋرالى مالىمەتتەردى جانە فوتوماتەريالداردى تىركەي وتىرىپ, اي سايىن ەسەپ بەرەدى. بۇل مەملەكەتتىك ساۋلەت-قۇرىلىس باقىلاۋ باسقارماسىنا سالىنىپ جاتقان وبەكتىلەرگە كامەرالدىق مونيتورينگ جۇرگىزۋگە مۇمكىندىك بەرەدى.
بۇدان وزگە, يدم جاۋاپتى مەملەكەتتىك ورگاندار تاراپىنان قۇرىلىسقا باقىلاۋدى كۇشەيتۋدى دە جوسپارلاپ وتىر. بۇگىنگى تاڭدا وسى تاراپتاعى زاڭناماعا ءتيىستى تۇزەتۋلەر ەنگىزىلۋدە.
مينيسترلىكتىڭ بۇل باستاماسى ساپاسىز قۇرىلىس جۇمىستارىنىڭ الدىن الۋعا, قۇرىلىسى سىن كوتەرمەيتىن نىسانداردى پايدالانۋعا جانە قابىلداۋعا توسقاۋىل قويادى», دەلىنگەن حابارلامادا.