تۇركىستان جانە شىمكەنت قالالارىندا الكوگول ءونىمىن شىعاراتىن ەكى جاسىرىن تسەح انىقتالدى, دەپ حابارلايدى Egemen.kz قارجى مونيتورينگى اگەنتىگىنە سىلتەمە جاساپ.
قما مالىمەتىنشە, تۇركىستان وبلىسى بويىنشا قما اۋماقتىق دەپارتامەنتىنىڭ قىزمەتكەرلەرى جالعان ەسەپكە الۋ-باقىلاۋ تاڭبالارىن قولدانىپ الكوگول ءونىمىن شىعاراتىن 2 تسەح قىزمەتىن توقتاتقان.
«جۇرگىزىلگەن جەدەل-ىزدەستىرۋ ءىس-شارالارى بارىسىندا تۇركىستان جانە شىمكەنت قالالارىندا جالعا الىنعان قويمالاردا انتيسانيتاريا جاعدايىندا سۋرروگات الكوگول ءونىمىن وندىرەتىن 2 جەراستى تسەحى ۇيىمداستىرىلعانى انىقتالدى», دەلىنگەن حابارلامادا.