وڭتۇستىكتەگى واكساكا شتاتىندا «اگاتا» داۋىلى سۋ تاسقىنى مەن لاي كوشكىنىن تۋدىردى, ناتيجەسىندە كەمىندە 11 ادام قازا تاۋىپ, 20 ادام ءىز-ءتۇزسىز جوعالىپ كەتتى دەپ حابارلايدى Egemen.kz.
گۋبەرناتور الەكساندرو مۋرات وزەندەردىڭ ارناسىنان اسىپ, ۇيلەردەگى ادامداردى اعىزىپ كەتكەنىن, ال باسقا قۇربانداردىڭ لاي مەن تاستاردىڭ استىندا قالعانىن ايتتى.
بۇل داۋىل تاريحتاعى ەڭ كۇشتى داۋىل رەتىندە ەندى. ول دۇيسەنبى كۇنى تۇستەن كەيىن واكساكاداعى شاعىن جاعاجاي قالالارى مەن بالىقشىلار اۋىلدارىنىڭ از قونىستانعان بولىگىنە سوقتى.
سەيسەنبىدە داۋىل سولتۇستىك-شىعىسقا قاراي ۆەراكرۋس شتاتىنا كوشتى.
ا. مۋرات جاعالاۋعا جاقىن ورنالاسقان كەيبىر ەلدى مەكەندەردە ەلەكتر قۋاتىنىڭ قالپىنا كەلتىرىلگەنىن, بىراق كەيبىر كوپىرلەردى سۋ شايىپ, كوشكىندەردىڭ بىرقاتار تاس جولدى جاۋىپ تاستاعانىن ايتتى. جاعالاۋدان بىرنەشە ميل جەردە ورنالاسقان سان-يسيدرو-دەل-پالماردى قالا ارقىلى اعىپ جاتقان توناماكا وزەنى باسىپ قالدى.تونامەكانىڭ لاي سۋى توقتاپ تۇرعان كولىكتەر مەن جەرگىلىكتى كولىكتەرگە ارنالعان شاعىن اۆتوبۋستاردىڭ تەرەزەلەرىنە دەيىن جەتتى.
گۇلدانا ەلۋباي