ەرتەڭ ەلوردادا «مەنىڭ اتىم قوجا» شىعارماسىنىڭ كەيىپكەرىنە ورناتىلعان ەسكەرتكىش رەسمي اشىلادى, دەپ حابارلايدى Egemen.kz.
شارا قازاقستانداعى «بالالار جىلى» اياسىندا ۇيىمداستىرىلعان.
1963 جىلى «مەنىڭ اتىم قوجا» شىعارماسى جەلىسىمەن «قازاقفيلم» ستۋدياسى تۇسىرگەن بالالار فيلمىندەگى قوجا كەيىپكەرىنە ورناتىلعان ەسكەرتكىشتىڭ جالپى بيىكتىگى 183 سم, قولا, گرانيت ماتەريالدارىنان جاسالعان.
يدەيا اۆتورى - مۇرات قوجامقۇلوۆ.
ءمۇسىنشى - تالاپحان ازامات.
ايتا كەتسەك, «مەنىڭ اتىم قوجا» - 1957 جىلى جازىلعان, قازاق بالالار ادەبيەتىنىڭ وزىق تۋىندىلارىنىڭ ءبىرى سانالاتىن پوۆەست. اۆتورى – بالالار ادەبيەتىنىڭ كلاسسيگى بەردىبەك سوقپاقباەۆ. ول ورىس, ۋكراين, فرانتسۋز, ليتۆا, لاتىش, وزبەك تىلدەرىنە اۋدارىلعان. 1963 جىلى «قازاقفيلم» ستۋدياسىنىڭ وسى شىعارماسى بويىنشا جازىلعان كينوستسەناري ەكرانعا شىقتى.
ەسكەرتكىشتىڭ رەسمي اشىلۋى ەرتەڭ ساعات 11.00-دە «جەتىسۋ» ساياباعىندا وتەدى.
گۇلدانا ەلۋباي