جامبىل وبلىسىندا ءورت بولعان ۇيدەن زورلىق-زومبىلىقتىڭ بەلگىلەرى بار ايەلدىڭ ءمايىتى تابىلدى, دەپ حابارلايدى Egemen.kz.
2022 جىلعى 18 مامىردا ساعات 23:28-دە 102 پۋلتىنە بەلگىسىز ەر ادامنىڭ ۇيگە كىرىپ, پىشاقپەن قورقىتقانى تۋرالى حابارلاما تۇسكەن.
اتالعان مەكەنجايعا كەلگەن پوليتسەيلەر ءۇيدىڭ ىشىندە ءورت باستالعانىن بايقاپ, وقيعا ورنىنا دەرەۋ ءورت سوندىرۋشىلەردى شاقىرعان.
«جاتىن بولمەدە زورلىق-زومبىلىقتىڭ بەلگىلەرى بار 57 جاستاعى ايەلدىڭ ءمايىتى تابىلدى. اتالعان دەرەك بويىنشا قىلمىستىق كودەكستىڭ 99-بابى 1-بولىگىمەن سوتقا دەيىنگى تەرگەۋ امالدارى جۇرگىزىلۋدە», دەلىنگەن پوليتسيا دەپارتامەنتىنىڭ حابارلاماسىندا.
جەدەل-ىزدەستىرۋ ءىس-شارالارىنىڭ ناتيجەسىندە پوليتسيا قىزمەتكەرلەرى وسى قىلمىستى جاسادى دەگەن كۇدىكپەن 32 جاستاعى تاراز قالاسىنىڭ تۇرعىنىن انىقتاپ, ۇستادى.
بارلىق قاجەتتى ساراپتامالار تاعايىندالدى. وقيعانىڭ ءمان-جايى انىقتالۋدا.
ايانا توعانبەك