قازاقستان رەسپۋبليكاسى ورتالىق سايلاۋ كوميسسياسىنىڭ مۇشەسى ءلاززات سۇلەيمەن «بۇۇ-ايەلدەر» كوپ ەلدىك بولىمشەسى شتاب-پاتەرىنىڭ وكىلدەرى – حالىقارالىق ساراپشى گابريەللا باردالمەن, سونداي-اق, باعدارلامالىق ماماندار مارتا ۆال جانە ولگا حانمەن كەزدەستى.
كەزدەسۋدىڭ نەگىزگى ماقساتى – قازاقستان رەسپۋبليكاسى ورتالىق سايلاۋ كوميسسياسىنىڭ ايەلدەردىڭ ساياساتقا قاتىسۋىن ىلگەرىلەتۋ سالاسىنداعى قىزمەتىن, سونداي-اق, اتالعان باعىتتا بۇدان ءارى ىنتىماقتاسۋ مۇمكىندىكتەرىن تالقىلاۋ بولدى.
كەزدەسۋ بارىسىندا ءلاززات سۇلەيمەن حالىقارالىق ساراپشىلارعا قازاقستان ايەلدەرىنىڭ سايلاۋ ۇدەرىسىنە قاتىسۋىنا بايلانىستى كەيبىر ستاتيستيكالىق دەرەكتەردى ۇسىندى. بۇل رەتتە ول ايەلدەردىڭ قازاقستان رەسپۋبليكاسى پارلامەنتىنىڭ ماجىلىسىندەگى جوعارى وكىلدىگىن, سونداي-اق, ايەلدەردىڭ جەرگىلىكتى وكىلدى ورگاندار – ءماسليحاتتارعا سايلاۋعا قاتىسۋ بەلسەندىلىگىنىڭ تۇراقتى تۇردە ارتۋ ءۇردىسىن ەرەكشە اتاپ ءوتتى.
ءوز تاراپىنان «بۇۇ-ايەلدەر» بولىمشەسىنىڭ شتاب-پاتەرى وكىلدەرى ۇسىنىلعان اقپاراتتى تالداۋ قورىتىندىلارى نەگىزىندە, سونداي-اق, وسى سالادا جۇزەگە اسىرىلىپ جاتقان جوبالاردى, كەمشىلىكتەر مەن ىنتىماقتاستىقتىڭ الەۋەتتى سالالارىن ەسكەرە وتىرىپ, باعدارلامالىق قۇجات دايىندالاتىنىن ايتتى.
كەزدەسۋ سوڭىندا تاراپتار ەكىجاقتى ىنتىماقتاستىقتىڭ ودان ءارى كەڭەيىپ, نىعاياتىنىنا سەنىم ءبىلدىردى.
«ەگەمەن-اقپارات».