توزعان ليفتىمەن ءجۇرۋ ۇرەيلى بولىپ تۇر

ولقىلىقتىڭ ورنىن تولتىرۋ ءۇشىن 2020-2025 جىلدارعا ارنالعان «نۇرلى جەر» باعدارلاماسى شەڭ­بەرىندە ليفتىلەردى جاڭعىرتۋ جۇ­مىس­تارى جالعاسۋدا. ليفتىلەردىڭ 420-ى پاۆلودار قالاسىندا, 117-ءى ەكىباستۇزدا, 24-ءى اقسۋ شاھارىندا ورنالاسقان. ونىڭ 1 318-ءىنىڭ جاعدايى ءماز ەمەس. ءبىر ءليفتى كەم دەگەندە 25 جىل قىزمەت ەتۋى ءتيىس. سالدارىنان ارا-تۇرا ىستەن شىعىپ, تۇرعىنداردىڭ ومىرىنە قاۋىپ توندىرۋدە. سودان بولار, پاتەر يەلەرى اكىمدىككە حابارلاسىپ, جاعدايدى رەتتەۋگە قول ۇشىن سوزۋدى سۇراۋدا.

نۇرسۇلتان نازارباەۆ داڭعىلى, 42-ءۇي مەكەنجايى بويىنشا ورنالاسقان ءۇيدىڭ 10 پودەزد تۇرعىندارى ءليفتىنىڭ ابدەن ەسكىرگەنىن ايتادى. بىراق پاتەر يەلەرى ء«بىر جەڭنەن قول شىعارا الماي وتىر». تۇرعىنداردىڭ جارتىسى ءليفتىنى جوندەۋگە ىنتالى ەمەس. ال جاڭعىرتۋ باعدارلاماسىنىڭ تالابىنا سايكەس, تۇرعىنداردىڭ 3/2 بولىگىنىڭ كەلىسىمى كەرەك. مىسال كەلتىرسەك, 36 پاتەر يەسىنىڭ كەم دەگەندە 24-ءى جوندەۋ جۇمىستارىن قولداۋى ءتيىس.

وبلىستىق ەنەرگەتيكا جانە تۇر­عىن ءۇي-كوممۋنالدىق شارۋا­شى­­لىعى باس­قارماسىنىڭ ءبولىم باسشىسى نۇرجان الدىباەۆتىڭ مالى­­مەتىنشە, بىلتىر 77,195 ملن تەڭ­گەگە وبلىس ورتالىعىنداعى 8 ءليفتى جاڭعىرتىلعان. وسىلايشا, نۇرسۇلتان نازارباەۆ داڭعىلى, 81, ءماشھۇر ءجۇسىپ كوشەسى, 284, اكادەميك شوكين كوشەسى, 31 مەكەنجايلارىن­دا ور­نالاسقان بىرنەشە پودەزد تۇر­عىندارى باعدارلامانىڭ يگىلىگىن سەزىنىپ وتىر. بۇل ماقساتقا قاراجات قالالىق بيۋدجەتتەن ءبولىنىپتى. ال «نۇرلى جەر» باعدارلاماسى مەملەكەتتىك جوبا ەكەنىن ەسكەرسەك, ءليفتىنى جوندەۋگە رەسپۋبليكالىق بيۋدجەتتەن قارجى قاراستىرۋعا بولادى. بىراق تۇرعىندار ءوزارا كەلىسىم تاپپاي جۇرگەندىكتەن, وتىنىشتەر دە از ءتۇسىپ جاتقان كورىنەدى. سايكەسىنشە, ازىرگە تەك قالالىق بيۋدجەتتەن عانا قاراجات جۇمسالۋدا.

پاۆلودار قالالىق تۇرعىن ءۇي ينس­پەكتسياسى جانە كوممۋنالدىق شارۋا­شىلىق ءبولىمىنىڭ سەكتور مەڭگەرۋشىسى اسىلبەك جۇمابەكوۆتىڭ ايتۋىنشا, ءبىر ءليفتىنى جاڭعىرتۋ ءۇشىن شامامەن 9-10 ملن تەڭگە قاراجات قاجەت.

– ەڭ اۋەلى تۇرعىندار وزدەرىنىڭ اراسىندا جيىن اشىپ, ليفتىلەردى جوندەۋ بويىنشا ويلارىن ورتاعا سالادى. ەگەر باسىم بولىگى كەلىسىمگە كەلسە, حاتتاما تولتىرىلىپ, تۇرعىن ءۇي ينسپەكتسياسى بولىمىنە جولدايدى. جوبالىق-سمەتالىق قۇجاتتى ازىرلەۋگە 45 تاۋلىك ۋاقىت كەتەدى. ال جوندەۋ جۇمىستارى 1 اي ىشىندە اياقتالادى. جاۋاپتى وپەراتور – «گوركومحوز مودەرنيزاتسيا جيليا» جشس-ءى. جوندەۋ جۇمىستارى كەزىندە تۇرعىندار اي سايىن ليفت قىزمەتى ءۇشىن تولەيتىن تولەماقىدان بوساتىلادى, – دەيدى ا.جۇمابەكوۆ.

نازارباەۆ داڭعىلى, 81-ۇيدە 2 پودەزد بار ەكەن. ەكەۋىنىڭ دە تۇرعىندارى بىرلىگىن تانىتىپ, ءليفتىنى جوندەۋگە كەلىسكەن. باعدارلامانىڭ تيىمدىلىگى سول, قاراجات پايىزسىز نەگىزدە بەرىلەدى. تۇرعىندار جوندەۋگە جۇمسالعان اق­شا­نى 7-10 جىل ارالىعىندا اي سا­يىن تولەپ تۇرۋعا مىندەتتى. پاتەردىڭ اۋماعىنا قاراي ءار شاڭىراق شاما­مەن 2,5-4 مىڭ تەڭگە قاراجات تولەۋگە ءتيىس. ءبىر اتاپ وتەرلىگى, ەكىنشى قاباتتىڭ تۇرعىندارى دا جاڭعىرتۋ جۇمىستارى ءۇشىن تولەم جاساۋى كەرەك. سەبەبى «تۇر­عىن ءۇي قاتىناستارى تۋرالى» زاڭعا سايكەس پوشتا جاشىگى كىرەبەرىس, باس­­پالداق, ليفت, شاتىر, ينجەنەرلىك جۇيە­لەر سياقتى كوندومينيۋم وبەك­­تىسىنىڭ ورتاق مۇلكىنە جاتادى. ايت­پاقشى, ەگەر پاتەرىڭىزدى ساتاتىن بول­سا­ڭىز, كەلىسىمشارتتا ءۇيدىڭ كە­لە­سى يەسى تولەمدى جالعاستىرادى دەپ كور­سە­تىلگەن. ياعني تولەم اياقتالعانىن كۇت­پەي, ءۇيىڭىزدى الاڭسىز ساۋدالاۋعا مۇم­كىندىك بار.

پاۆلودار