ەلىمىزدىڭ باسىم بولىگىندە جاڭبىر جاۋادى

اتموسفەرالىق فرونتالدى بولىكتەردىڭ وتۋىنە بايلانىستى بۇگىن ەلىمىزدىڭ باسىم بولىگىندە جاڭبىر, سونداي-اق باتىستا قاتتى جاڭبىر جاۋادى.

رەسپۋبليكا بويىنشا كەي جەرلەردە نايزاعاي وينايدى; جەل كۇشەيىپ, وڭتۇستىك-شىعىستا, باتىستا – بۇرشاق, وڭتۇستىكتە, وڭتۇستىك-شىعىستا – داۋىل, وڭتۇستىك-باتىستا – شاڭدى داۋىل بولادى. كۇندىز تۇركىستان وبلىسىنىڭ تاۋلى اۋداندارىندا داۋىل, تاۋلى اسۋلارىندا جەلدىڭ 15-20 م/س كۇشەيۋى كۇتىلەدى. جامبىل وبلىسىنىڭ وڭتۇستىگىندە, تاۋلى اۋداندارىندا بۇرشاق, داۋىل كۇتىلەدى.

اتىراۋ وبلىسىندا, الماتى وبلىسىنىڭ وڭتۇستىك-شىعىسىندا, تاۋلى اۋداندارىندا جەلدىڭ 15-20 م/س كۇشەيۋى كۇتىلەدى. باتىس قازاقستان وبلىسىنىڭ وڭتۇستىگىندە, وڭتۇستىك-شىعىسىندا, كۇندىز پاۆلودار, قاراعاندى وبلىستارىنىڭ باتىسىندا, سولتۇستىگىندە, ورتالىعىندا, شىعىس قازاقستان وبلىسىنىڭ وڭتۇستىك-باتىسىندا, شىعىسىندا جەلدىڭ 15-20 م/س كۇشەيۋى كۇتىلەدى.

ماڭعىستاۋ وبلىسىنىڭ سولتۇستىگىندە, باتىسىندا, ورتالىعىندا بۇرشاق, كۇندىز وبلىستىڭ وڭتۇستىگىندە – شاڭدى داۋىل, وبلىستىڭ باسىم بولىگىندە – جەلدىڭ كۇشى 15-20, ەكپىنى 23-28 م/س كۇشەيۋى كۇتىلەدى. تۇندە قوستاناي وبلىسىنىڭ سولتۇستىگىندە جەلدىڭ 15-20 م/س كۇشەيۋى, كۇندىز وبلىستىڭ باسىم بولىگىندە 15-20, ەكپىنى 25 م/س كۇشەيۋى كۇتىلەدى.

تاڭەرتەڭ جانە كۇندىز اقمولا وبلىسىندا جەلدىڭ 15-20, وبلىستىڭ سولتۇستىگى مەن شىعىسىندا ەكپىنى 25 م/س كۇشەيۋى كۇتىلەدى. سولتۇستىك قازاقستان وبلىسىندا جەلدىڭ ەكپىنى 15-20, كۇندىز ەكپىنى 23-28 م/س كۇشەيۋى كۇتىلەدى.

باتىس قازاقستان وبلىسىنىڭ وڭتۇستىگىندە, اقتوبە وبلىسىنىڭ سولتۇستىگىندە, ورتالىعىندا, پاۆلودار وبلىسىنىڭ ورتالىعىندا توتەنشە ءورت قاۋپى كۇتىلەدى.