قر پرەمەر-ءمينيسترى ءاليحان سمايىلوۆ كارىز-تازارتۋ قۇرىلىستارىن (كتق) سالۋ جانە جاڭعىرتۋ جوبالارىن ىسكە اسىرۋ جانە مەملەكەتتىك قالا قۇرىلىسى كاداسترىنىڭ دەرەكتەرىن تسيفرلاندىرۋ ماسەلەلەرى جونىندە كەڭەس وتكىزدى, دەپ حابارلايدى Egemen.kz.
ءبىرىنشى ماسەلە بويىنشا ءسوز سويلەگەن يندۋستريا جانە ينفراقۇرىلىمدىق دامۋ ءمينيسترى قايىربەك وسكەنباەۆ بۇگىنگى تاڭدا قازاقستاننىڭ 69 قالاسىندا كتق سالۋ نەمەسە رەكونسترۋكتسيالاۋ قاجەت ەكەنىن اتاپ ءوتتى. ءتيىستى جوبالاردى رەسپۋبليكالىق بيۋدجەت پەن حالىقارالىق ۇيىمداردىڭ قاراجاتى ەسەبىنەن قارجىلاندىرۋ جوسپارلانىپ وتىر.
قازىرگى تاڭدا ءتورت قالادا (اتىراۋ, قىزىلوردا, فورت-شەۆچەنكو جانە شىمكەنت) كتق سالۋ نەمەسە رەكونسترۋكتسيالاۋ جوبالارى جۇزەگە اسىرىلا باستادى. قالعان 65 جوبانى ينۆەستيتسيالىق تارتىمدىلىقتى ەسكەرە وتىرىپ, 2028 جىلعا دەيىن ىسكە اسىرۋ ۇسىنىلادى.
ەكىنشى ماسەلە بويىنشا مەملەكەت باسشىسىنىڭ تاپسىرماسىنا سايكەس «مەملەكەتتىك قالا قۇرىلىسى كاداسترى» ااج-دا ينجەنەرلىك جەلىلەر تۋرالى دەرەكتەردى تولىق تسيفرلاندىرۋدى قامتاماسىز ەتۋ جوسپاردا بار ەكەنى اتاپ ءوتىلدى.
جەراستى جەلىلەرى بويىنشا ناقتى كەڭىستىكتىك دەرەكتەردى تەك ينجەنەرلىك-گەودەزيالىق ىزدەنىستەر ادىسىمەن عانا قالىپتاستىرۋ مۇمكىن بولادى. سونىمەن قاتار دەرەكتەردى ۇزدىكسىز وزەكتەندىرۋ تەتىگىن ەنگىزبەستەن, ينجەنەرلىك جەلىلەردى تولىق تسيفرلاندىرعان ورىنسىز.
وسى ماقساتتا تابيعي مونوپوليالار سۋبەكتىلەرىنىڭ ينجەنەرلىك جەلىلەردىڭ تەحنيكالىق سيپاتتامالارى مەن بوس قۋاتى تۋرالى مالىمەتتەردى مىندەتتى تۇردە ۇسىنۋى بويىنشا زاڭناماعا تۇزەتۋلەر ەنگىزۋگە, سونداي-اق «مقك» ااج-عا ەنگىزە وتىرىپ, بارلىق دەڭگەيدەگى جوبالاردىڭ بىرىڭعاي قالا قۇرىلىسى ساراپتاماسىن ەنگىزۋگە باستاما جاسالدى.
اتالعان شارالاردىڭ ارقاسىندا ينجەنەرلىك جەلىلەردىڭ تسيفرلىق نەگىزى قالىپتاستىرىلۋى ءتيىس, ول اعىمداعى تۇگەندەۋ جۇمىستارى مەن دەرەكتەردى ونلاين-وزەكتەندىرۋ اياسىندا ناقتىلاناتىن بولادى.
قر پرەمەر-ءمينيسترى تالقىلانعان جوبالارعا قاتىستى ايتىلعان تاسىلدەردى ماقۇلداپ, ولاردى ىسكە اسىرۋ ءۇشىن پىسىقتاۋ جۇمىستارىن جۇرگىزۋدى تاپسىردى.