بيىل سەمەيدە 4 967 پاتەرلىك 449,3 مىڭ شارشى مەتر تۇرعىن ءۇي سالۋ جوسپارلانۋدا. ولاردىڭ جالپى قۇنى 57,8 ملرد تەڭگەنى قۇرايدى. بۇل تۋرالى قالالىق قۇرىلىس ءبولىمىنىڭ باسشىسى سۇڭعات امانبەكوۆ ءمالىم ەتتى, دەپ حابارلايدى Egemen.kz.
ءبولىم باسشىسىنىڭ ايتۋىنشا, 75 كوپپاتەرلى ءۇي, 38 نەسيە, ەكى ساتىپ الۋ قۇقىعىنسىز جالعا بەرۋ جانە 35 كوممەرتسيالىق ءۇي سالىنادى. جەكە ينۆەستورلار مەن تۇرعىندار ەسەبىنەن جەكە تۇرعىن ءۇي قۇرىلىسى جوسپارلانعان. قۇرىلىس باسقارماسى قاراعايلى شاعىن اۋدانىنا 1200 ورىندىق جانە ۆودنىي كەنتىنە 600 ورىندىق مەكتەپ سالۋدىڭ ەكى جوباسىن ازىرلەيدى.
«سونداي-اق مەملەكەتتىك-جەكەشەلىك ارىپتەستىك جەلىسى بويىنشا بالاباقشالار قۇرىلىسىنا ءۇش جوبا ازىرلەنۋدە. قاراعايلى قالاسىندا 320 ورىندىق بالاباقشا سالۋ جوسپارلانعان. ينۆەستورى ء«سات ترانس» جشس.
ۆوسحود كەنتىندە 140 ورىندىق بالاباقشا سالۋ جوسپاردا بار. ينۆەستور - «فيرما ازيا» جشس. جوبانىڭ الدىن الا قۇنى 800 ملن تەڭگە. سونىمەن قاتار بوبروۆكا اۋىلىندا 320 ورىندىق بالاباقشا سالىنادى. ينۆەستور-جك «سالقىنباەۆا ا.م.». جوبانىڭ الدىن الا قۇنى 1 270 ملن تەڭگە», دەدى سۇڭعات امانبەكوۆ.
ايانا توعانبەك