قارجىلىق پيراميدا قۇرىپ, الاياقتىقپەن اقشا تابۋدىڭ ءتۇرلى تاسىلدەرىن مەڭگەرگەندەر بوتەننىڭ مۇلكىن زاڭسىز يەمدەنىپ, وزىنە سەنگەندەردى سان سوقتىرىپ كەتىپ جاتادى. كۇن سايىن قاتارى ارتىپ كەلە جاتقان وسىنداي الاياقتار ءۇشىن الەۋمەتتىك جەلى وزدەرىنىڭ جىمىسقى ارەكەتتەرىن جۇزەگە اسىرۋعا قولايلى بولىپ تۇر.
ال الاياققا الدانعانداردىڭ ارىزىن تىڭداپ, قىلمىستىڭ الدىن الۋ ارينە, قۇقىق قورعاۋشىلاردىڭ مىندەتى. جۇرتتىڭ جيعان-تەرگەنىن جاسىرىن وتىرىپ سىپىرىپ الىپ, سايدا سانى, قۇمدا ءىزىن قالدىرمايتىن مۇندايلاردى انىقتاپ, جاۋاپقا تارتۋدا تەرگەۋ ورىندارىنىڭ ورنى ەرەكشە.
قىزىلوردا قالالىق پوليتسيا باسقارماسىندا 2018 جىلدان بەرى جۇمىس ىستەيتىن تەرگەۋشى, اعا لەيتەنانت نۇربول نۇرماعانبەت الاياقتاردىڭ الدىن كەسىپ, كۇرمەۋى قيىن قىلمىستىق ىستەردى تەرگەۋمەن اينالىسادى.
ونىڭ ايتۋىنشا سوڭعى كەزدەرى الاياقتىق ارەكەتكە باراتىندار كۇرت كوبەيگەن. وزگەنىڭ مۇلكىن زاڭسىز يەمدەنەتىندەرگە جازا قاتاڭداعانىمەن وزىنە سەنگەندەرگە ۋادەنى ءۇيىپ-توگىپ, اقشاسىن الىپ, بوي تاسالايتىندار قاتارى ازايماي تۇر.
تەرگەۋشى وسىعان دەيىن «ايلۋنا گولد», «اي-شۋاق» اتتى قارجى پيراميدالارىن انىقتاپ, قىلمىستىق قۇقىق بۇزۋشىلىقتىڭ جولىن كەسىپتى. بىلىكتىلىگى ارقاسىندا كۇدىكتىنىڭ كىناسىن دالەلدەپ, ءىستى سوتقا جولدادى. 2021 جىلى WhatsApp الەۋمەتتىك مەسسەندجەرىندە BEFREE اتىمەن بەلگىلى بولعان قارجى ۇيىمىن اشقان توپتىڭ قىلمىسىن اشكەرەلەدى. تەرگەپ-تەكسەرۋ جۇمىستارىن جۇرگىزۋ ناتيجەسىندە «ۆكلاد چات ەرعازى», Wall street سەكىلدى توپتى ۇيىمداستىرعان كۇدىكتىلەردىڭ قىلمىستىق ءىس-ارەكەتتەرىن اشتى.
ء«بىزدىڭ باستى مىندەتىمىز – قىلمىستىق ىستەردى تەرگەي وتىرىپ, جابىرلەنۋشىنىڭ مۇڭ-مۇقتاجىنا كوڭىل ءبولۋ, قوعامدا قۇقىق بۇزۋشىلىقتى بولدىرماۋ. وسى ورايدا ءبىز ازاماتتاردان تۇسكەن ارىز-شاعىمدار بويىنشا قولعا الىنعان قىلمىستاردى اشىپ, انىقتاپ, ولاردى سوتقا جىبەرەمىز. سوت قىلمىسكەرگە ءادىل شەشىم شىعارىپ, جابىرلەنۋشىلەردىڭ قۇقىعىن قورعايدى», دەيدى تەرگەۋشى.
قىزىلوردا