لۇت ساپۋ ۇلى الشەكەنوۆ قازاقستان رەسپۋبليكاسىنىڭ تۇڭعىش پرەزيدەنتى – ەلباسى اتىنداعى ۇلتتىق قورعانىس ۋنيۆەرسيتەتىنىڭ باستىعى بولىپ تاعايىندالدى, دەپ حابارلايدى Egemen.kz.
لۇت الشەكەنوۆ 1966 جىلى استراحان وبلىسى كراسنويار اۋدانى قاراوزەك اۋىلىندا دۇنيەگە كەلگەن.
ءبىلىمى:
1987 جىلى - سۋمى جوعارى ارتيللەريالىق كوماندالىق مەكتەبى;
1998 جىلى - ميحايلوۆسكي ارتيللەريا اكادەمياسى;
2010 جىلى - بەلارۋس رەسپۋبليكاسى اسكەري اكادەمياسىنىڭ باس شتابىنىڭ فاكۋلتەتى.
ەڭبەك جولى:
لۇت الشەكەنوۆ وزىنىڭ اسكەري قىزمەتىن گەرمانياداعى كەڭەس اسكەرلەرى توبىندا باستادى, وندا ارتيللەريالىق ۆزۆود كومانديرىنەن ارتيللەريالىق باتارەيا كومانديرىنە دەيىنگى لاۋازىمداردان ءوتتى.
ودان ءارى سەمەيدە ءتۇرلى كوماندالىق لاۋازىمداردا, ونىڭ ىشىندە بريگادا كومانديرى لاۋازىمىندا, تاراز جانە اتىراۋ قالالارىندا – وڭىرلىك قولباسشىلىق اسكەرلەرى قولباسشىسىنىڭ وتپەن زاقىمداۋ جونىندەگى ورىنباسارى, نۇر-سۇلتاندا زىمىران اسكەرلەرى مەن ارتيللەريا قولباسشىسى – قۇرلىق اسكەرلەرى باس قولباسشىسىنىڭ وتپەن زاقىمداۋ جونىندەگى ورىنباسارى جانە قازاقستان رەسپۋبليكاسىنىڭ تۇڭعىش پرەزيدەنتى – ەلباسى اتىنداعى ۋنيۆەرسيتەت باستىعىنىڭ ورىنباسارى, قۇرلىق اسكەرلەرى شتاب باستىعى لاۋازىمدارىندا اسكەري قىزمەت اتقاردى.
2020 جىلعى ناۋرىزدان باستاپ - قازاقستان رەسپۋبليكاسى قورعانىس مينيسترلىگى كادرلار دەپارتامەنتىنىڭ باستىعى بولىپ جۇمىس ىستەدى.
ول, سونداي-اق II دارەجەلى «داڭق» وردەنىمەن, مەرەيتويلىق مەدالدارمەن جانە ءمىنسىز قىزمەتى ءۇشىن مەدالدارمەن ماراپاتتالعان.