ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە پروفەسسور, «ەۋرازيا» عىلىمي-زەرتتەۋ ورتالىعىنىڭ باس عىلىمي قىزمەتكەرى, مەملەكەتتىك سىيلىقتىڭ لاۋرەاتى, تۇركولوگ-عالىم, جازۋشى قويشىعارا سالعارا ۇلىنىڭ مەرەيتويىنا وراي « ۇلى دالانىڭ تاريحى: تۇرىكتەر مەن موڭعولدار» اتتى دوڭگەلەك ۇستەل ءوتتى. دوڭگەلەك ۇستەل باسىنداعى اڭگىمەگە عىلىم, مادەنيەت, ادەبيەت سالالارى بويىنشا تانىمال تۇلعالار, جوعارى وقۋ ورىندارىنىڭ دوكتورانتتارى مەن ماگيسترانتتارى قاتىستى.
مەرەيتويلىق شاراعا ورايلاستىرىلعان دوڭگەلەك ۇستەلدى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى, تاريح عىلىمدارىنىڭ دوكتورى, پروفەسسور ەرلان سىدىقوۆ اشىپ, قالامگەردى قۇتتىقتاي كەلە, ەل پرەزيدەنتىنىڭ قۇتتىقتاۋ حاتىن وقىپ بەردى. وندا «قۇرمەتتى قويشىعارا سالعارا ۇلى! 75-كە تولعان مەرەي جاسىڭىز قۇتتى بولسىن! حالقىمىز ءوزiڭiزدi بەلگiلi جۋرناليست جانە ۇلتىمىزدىڭ كونە تاريحىن زەرتتەپ, زەردەلەپ, جيعان-تەرگەنiن وقىرمانىنا جەتكىزۋگە بار كۇش-جiگەرiن جۇمساپ كەلە جاتقان قالامگەر رەتiندە جاقسى بiلەدi. سiزدiڭ شىعارمالارىڭىز تاريح عىلىمىن ناسيحاتتاۋعا, ۇلتىمىزدىڭ وتكەنiن تانىپ, سالت-ساناسىن قالىپتاستىرىپ, دامىتۋعا قوسىلعان ۇلەس بولىپ تابىلادى. ەڭبەگiڭiز ەلiمiزدiڭ مەملەكەتتiك سىيلىعىمەن اتاپ ءوتiلدi. قازاقستاننىڭ ەڭبەك سىڭىرگەن قايراتكەرi قۇرمەتتi اتاعىنا يە بولدىڭىز. دەنساۋلىعىڭىز زور, وتباسىڭىز امان-ەسەن بولىپ, ەڭبەگiڭiزدiڭ زەينەتiن ۇزاعىنان كورە بەرىڭىز!», – دەلىنگەن.
ودان سوڭ ە.سىدىقوۆ قالامگەرگە ەۋرازيا ۇلتتىق ۋنيۆەرسيتەتىنىڭ ەڭ جوعارى ماراپاتى «گۋميلەۆ» مەدالىن تاپسىردى. «ءسىز قازاق تاريحىن زەرتتەۋگە تاۋەلسىزدىكتىڭ العاشقى جىلدارىندا, ەڭ ءبىر قيىن-قىستاۋ شاقتاردا كىرىستىڭىز. سول كەزدەردە قىتايدان قازاق تاريحىنا قاتىستى كوپتەگەن مالىمەتتەردى الىپ كەلگەنىڭىزدى جانكەشتىلىك دەپ باعالاۋعا بولادى», دەدى رەكتور.
ءىس-شارا بارىسىندا مەرەيتوي يەسىنىڭ وسى ۋاقىتقا دەيىن جارىق كورگەن كىتاپتارىنىڭ كورمەسى ۇيىمداستىرىلدى. تاعى ءبىر اتاپ وتەر نارسە, الداعى ۋاقىتتا قالامگەردىڭ مەرەيتويىنا وراي ۇيىمداستىرىلعان دوڭگەلەك ۇستەلگە كەلىپ تۇسكەن جانە ق.سالعارا ۇلىنىڭ ەڭبەكتەرىنە بايلانىستى عىلىمي ماقالالار جەكە جيناق بولىپ جارىق كورەدى.
ايتا كەتەيىك, 90-شى جىلدارى «سيۋڭنۋ», «دۋڭحۋ. گاۋچى», «100 قۇجات», «تانىم تارماقتارى», «انىقتامالىق» اتتى كىتاپتارىن جازعان تۇستا عالىم قازاقستاننىڭ قحر-داعى ەلشىلىگىندە مادەنيەت جونىندەگى كەڭەسشى قىزمەتىن اتقاردى. ونىڭ قالامىنان تۋعان «التىن تامىر», «كومبە», «قازاقتىڭ قيلى تاريحى», «قازاقتار» رومان-ەسسەسى, «قازاق قازاق بولعانعا دەيىن» جانە «قازاق قازاق بولعاننان كەيىن» اتتى ىرگەلى ەڭبەكتەرى دۇنيەگە كەلگەن. «قازاقتار» تريلوگياسى ءۇشىن مەملەكەتتىك سىيلىقتىڭ لاۋرەاتى اتانعان. تاياۋدا عانا قارىمدى قالامگەردىڭ «مىڭعۇل مەن موڭعول جانە ءۇش شىعىس» اتتى ەڭبەگىندە تىڭ تۇجىرىمداردى العا تارتادى.
«ەگەمەن-اقپارات».