قازاقستان رەسپۋبليكاسىنىڭ كەيبىر زاڭنامالىق اكتىلەرىنە سىرتقى بارلاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى
1-باپ. قازاقستان رەسپۋبليكاسىنىڭ مىنا زاڭنامالىق اكتىلەرىنە وزگەرىستەر مەن تولىقتىرۋلار ەنگىزىلسىن:
1. «جەدەل-ىزدەستىرۋ قىزمەتى تۋرالى» 1994 جىلعى 15 قىركۇيەكتەگى قازاقستان رەسپۋبليكاسىنىڭ زاڭىنا (قازاقستان رەسپۋبليكاسى جوعارعى كەڭەسىنىڭ جارشىسى, 1994 ج., № 13-14, 199-قۇجات; 1995 ج., № 24, 167-قۇجات; قازاقستان رەسپۋبليكاسى پارلامەنتىنىڭ جارشىسى, 1996 ج., № 14, 275-قۇجات; 1998 ج., № 24, 436-قۇجات; 2000 ج., № 3-4, 66-قۇجات; 2001 ج., № 8, 53-قۇجات; № 17-18, 245-قۇجات; 2002 ج., № 4, 32-قۇجات; № 15, 147-قۇجات; № 17, 155-قۇجات; 2004 ج., № 18, 106-قۇجات; № 23, 142-قۇجات; № 24, 154-قۇجات; 2005 ج., № 13, 53-قۇجات; 2007 ج., № 2, 18-قۇجات; 2009 ج., № 6-7, 32-قۇجات; № 17, 83-قۇجات; № 24, 121-قۇجات; 2010 ج., № 10, 48-قۇجات; 2011 ج., № 1, 7-قۇجات; № 20,158-قۇجات; 2012 ج., № 3,26-قۇجات; 2013 ج., № 1,2-قۇجات):
12-باپتىڭ 4-تارماعىندا: بەسىنشى بولىك مىناداي رەداكتسيادا جازىلسىن:
بارلاۋ اقپاراتىن الۋ, قازاقستان رەسپۋبليكاسىنىڭ اسكەري قاۋىپسىزدىگىن جانە كۇزەتىلەتىن ادامداردىڭ قاۋىپسىزدىگىن قامتاماسىز ەتۋ ماقساتىندا سىرتقى بارلاۋ سالاسىنداعى ۋاكىلەتتى ورگان, قازاقستان رەسپۋبليكاسى قورعانىس مينيسترلىگىنىڭ اسكەري بارلاۋ ورگاندارى جانە قازاقستان رەسپۋبليكاسى پرەزيدەنتىنىڭ كۇزەت قىزمەتى قازاقستان رەسپۋبليكاسىنىڭ اۋماعىندا بايلانىس قىزمەتتەرى مەن قۇرالدارىن بەرەتىن جەكە جانە زاڭدى تۇلعالاردىڭ ستاتسيونارلىق اپپاراتۋراسى مەن بايلانىس جولدارىنا قوسىلۋدى بولعىزبايتىن تەلەكوممۋنيكاتسيالار جەلىلەرىن پايدالانا وتىرىپ, ارناۋلى جەدەل-ىزدەستىرۋ ءىس-شارالارىن جۇزەگە اسىرۋعا قۇقىلى.»;
التىنشى بولىك الىپ تاستالسىن.
2. «قازاقستان رەسپۋبليكاسىنىڭ ۇلتتىق قاۋىپسىزدىك ورگاندارى تۋرالى» 1995 جىلعى 21 جەلتوقسانداعى قازاقستان رەسپۋبليكاسىنىڭ زاڭىنا (قازاقستان رەسپۋبليكاسى جوعارعى كەڭەسىنىڭ جارشىسى, 1995 ج., № 24, 157-قۇجات; قازاقستان رەسپۋبليكاسى پارلامەنتىنىڭ جارشىسى, 1997 ج., № 10, 108-قۇجات; № 12, 184-قۇجات; 1998 ج., №23, 416-قۇجات; № 24, 436-قۇجات; 1999 ج., № 8, 233-قۇجات; № 23, 920-قۇجات; 2000 «ج., № 3-4, 66-قۇجات; 2001 ج., № 20, 257-قۇجات; 2002 ج., № 6, 72-قۇجات; № 17, 155-قۇجات; 2004 ج., № 23, 142-قۇجات; 2007 ج., № 9, 67-قۇجات; № 10, 69-قۇجات; № 20, 152-قۇجات; 2009 ج., № 19, 88-قۇجات; 2010 ج., № 7, 32-قۇجات; № 10, 48-قۇجات; 2011 ج., № 1, 3, 7-قۇجاتتار; № 11, 102-قۇجات; № 16, 129-قۇجات; 2012 ج., № 4, 32-قۇجات; № 8, 63-قۇجات; 2013 ج., № 1, 2-قۇجات; № 2, 10-قۇجات; № 14, 72-قۇجات; 2014 ج., № 1, 4-قۇجات):
13-باپ مىناداي مازمۇنداعى 17-2) تارماقشامەن تولىقتىرىلسىن:
«17-2) سىرتقى بارلاۋدىڭ جانە ارناۋلى مەملەكەتتىك ورگانداردىڭ وزگە دە سۋبەكتىلەرىنىڭ قىزمەتكەرلەرى مەن اسكەري قىزمەتشىلەرىنىڭ جەكە باسىن, ولاردىڭ بولىمشەلەرىنىڭ, ءۇي-جايلارى مەن كولىك قۇرالدارىنىڭ ۆەدومستۆولىق تيەسىلىلىگىن, سونداي-اق جاسىرىن كومەكشىلەردىڭ جەكە باسىن شيفرلاۋ ماقساتىندا سىرتقى بارلاۋدىڭ جانە ارناۋلى مەملەكەتتىك ورگانداردىڭ وزگە دە سۋبەكتىلەرى ءۇشىن باسقا مەملەكەتتىك ورگانداردىڭ, سونداي-اق ۇيىمداردىڭ ولاردى دايىنداۋ جانە (نەمەسە) رەسىمدەۋ ءتارتىبى بىرلەسكەن نورماتيۆتىك قۇقىقتىق اكتىلەرمەن ايقىندالاتىن قۇجاتتارىن دايىنداۋ جانە (نەمەسە) رەسىمدەۋ.
سىرتقى بارلاۋدىڭ جانە ارناۋلى مەملەكەتتىك ورگانداردىڭ وزگە دە سۋبەكتىلەرىنىڭ مەملەكەتتىك ورگانداردا تىركەلۋى تالاپ ەتىلەتىن مەملەكەتتىك ورگانداردىڭ قۇجاتتارىن, ونىڭ ىشىندە ولاردىڭ ۇلتتىق قاۋىپسىزدىك ورگاندارىنىڭ ءوتىنىمى بويىنشا بەرەتىن قۇجاتتارىن وسى تارماقشادا كوزدەلگەن ماقساتتا پايدالانۋ قاجەتتىگى جاعدايىندا, ءتيىستى مەملەكەتتىك ورگاندار بىرلەسكەن نورماتيۆتىك قۇقىقتىق اكتىلەرمەن ايقىندالاتىن تارتىپپەن ولاردى وتەۋسىز نەگىزدە دايىندايدى جانە (نەمەسە) رەسىمدەيدى;».
3. «سىرتقى بارلاۋ تۋرالى» 2010 جىلعى 22 مامىرداعى قازاقستان رەسپۋبليكاسىنىڭ زاڭىنا (قازاقستان رەسپۋبليكاسى پارلامەنتىنىڭ جارشىسى, 2010 ج., № 10, 46-قۇجات; 2011 ج., № ق 3-قۇجات; 2012 ج., № 4, 32-قۇجات; № 5, 41-قۇجات; № 8, 63-قۇجات; 2013 ج., № 2, 10-قۇجات):
1) 2-باپتىڭ 1-تارماعىنىڭ 2) جانە 3) تارماقشالارى مىناداي رەداكتسيادا جازىلسىن:
«2) وسى زاڭنىڭ 6-بابىنىڭ 2) تارماقشاسىندا كوزدەلگەن وكىلەتتىكتەر شەگىندە قازاقستان رەسپۋبليكاسىنىڭ ۇلتتىق قاۋىپسىزدىك ورگاندارى جاتادى.
قۇزىرەتىنە بارلاۋ قىزمەتىن جۇزەگە اسىرۋ كىرەتىن ۇلتتىق قاۋىپسىزدىك ورگاندارى قىزمەتتەرىنىڭ, بولىمشەلەرىنىڭ جانە قىزمەتكەرلەرى ساناتتارىنىڭ تىزبەسىن قازاقستان رەسپۋبليكاسىنىڭ زاڭناماسىنا سايكەس قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى ايقىندايدى;
3) وسى زاڭنىڭ 6-بابىنىڭ 3) تارماقشاسىندا كوزدەلگەن وكىلەتتىكتەر شەگىندە قازاقستان رەسپۋبليكاسى قورعانىس مينيسترلىگىنىڭ اسكەري بارلاۋ ورگاندارى جاتادى.»;
2) 6-باپتىڭ 2) جانە 3) تارماقشالارى مىناداي رەداكتسيادا جازىلسىن:
«2) قازاقستان رەسپۋبليكاسىنىڭ ۇلتتىق قاۋىپسىزدىك ورگاندارى:
شەت مەملەكەتتەردىڭ ارناۋلى قىزمەتتەرى مەن ۇيىمدارىنىڭ, قىلمىستىق قوعامداستىقتاردىڭ (قىلمىستىق ۇيىمداردىڭ) جانە جەكەلەگەن ادامداردىڭ قازاقستان رەسپۋبليكاسىنىڭ كونستيتۋتسيالىق قۇرىلىسىن كۇشپەن وزگەرتۋگە, قاۋىپسىزدىگىنە نۇقسان كەلتىرۋگە باعىتتالعان بارلاۋ جانە وزگە دە قىزمەتىنە قارسى ءىس-قيمىل سالاسىندا;
ەكسترەميزمگە جانە تەرروريستىك قىزمەتكە قارسى ءىس-قيمىل سالاسىندا, سونداي-اق شەكارالىق ساياسات جانە قازاقستان رەسپۋبليكاسىنىڭ مەملەكەتتىك شەكاراسىن, اۋماقتىق سۋلارى (تەڭىزدەرى) مەن كونتينەنتتىك قايراڭىن كۇزەتۋدى جەدەل قامتاماسىز ەتۋ سالاسىندا;
قازاقستان رەسپۋبليكاسىنىڭ اۋماعىندا جانە ودان تىسقارى جەرلەردە شيفرلىك جانە راديوتەحنيكالىق قۇرالدار مەن ادىستەردى پايدالانا وتىرىپ, شيفرلانعان, قۇپيالانعان, كودتالعان جانە ارناۋلى بايلانىستىڭ وزگە دە تۇرلەرى سالاسىندا;
3) قازاقستان رەسپۋبليكاسى قورعانىس مينيسترلىگىنىڭ اسكەري بارلاۋ ورگاندارى:
اسكەري, اسكەري-ساياسي, اسكەري-ەكونوميكالىق جانە اسكەري-تەحنيكالىق سالالاردا, حالىقارالىق تەرروريستىك جانە ەكسترەميستىك ۇيىمدارعا قارسى ءىس-قيمىل جاساۋ, راديوەلەكتروندىق قۇرالدار مەن ادىستەردى پايدالانا وتىرىپ, شيفرلانعان, قۇپيالانعان جانە ارناۋلى بايلانىستىڭ وزگە دە تۇرلەرى سالالارىندا جانە قازاقستان رەسپۋبليكاسى ۇلتتىق قاۋىپسىزدىگى اسكەري قۇرامداسىنىڭ مۇددەلەرىن قوزعايتىن باسقا دا سالالاردا جۇزەگە اسىرادى.»;
3) 9-باپتا:
9) جانە 11) تارماقشالار مىناداي رەداكتسيادا جازىلسىن:
«9) قازاقستان رەسپۋبليكاسىنىڭ ۇلتتىق قاۋىپسىزدىگىن قامتاماسىز ەتۋدىڭ باسقا دا كۇشتەرىمەن, سونداي-اق قازاقستان رەسپۋبليكاسىنىڭ مەملەكەتتىك ورگاندارىمەن جانە ۇيىمدارىمەن ءوزارا ءىس-قيمىل جاساسۋ. سىرتقى بارلاۋ ورگانىنىڭ قازاقستان رەسپۋبليكاسىنىڭ مۇددەلى مەملەكەتتىك ورگاندارىمەن ءوزارا ءىس-قيمىل جاساسۋ ءتارتىبى بىرلەسكەن نورماتيۆتىك قۇقىقتىق اكتىلەرمەن ايقىندالادى, ال, مەنشىك نىسانىنا قاراماستان قازاقستان رەسپۋبليكاسىنىڭ ۇيىمدارىمەن – كەلىسىمدە بەلگىلەنەدى;»;
«11) اقپاراتتىق جۇيەلەردى جانە اقپاراتتىق رەسۋرستاردى, ارناۋلى تەحنيكالىق قۇرالداردى, بايلانىس جۇيەلەرىن, ارنايى ماقساتتاعى تەلەكوممۋنيكاتسيالار جەلىلەرىن, دەرەكتەردى بەرۋ جۇيەلەرىن, اقپاراتتىڭ تەحنيكالىق ارنالار ارقىلى تارالىپ كەتۋىنەن قورعاۋ قۇرالدارىن, ولاردى باعدارلامالىق قامتاماسىز ەتۋدى, قارۋ-جاراقتى جانە جاراقتانۋدى ازىرلەۋ, ساتىپ الۋ, (كريپتوگرافيالىق قورعاۋ قۇرالدارىن قوسپاعاندا) جاساۋ, ىسكە قوسۋ جانە پايدالانۋ, شيفرلاۋ جانە شيفردى اشۋ جۇمىستارىن ۇيىمداستىرۋ. وسى ماقساتتاردا قازاقستان رەسپۋبليكاسىنىڭ مەملەكەتتىك ورگاندارىمەن جانە مەنشىك نىسانىنا قاراماستان ۇيىمدارىمەن, شەت مەملەكەتتەردىڭ ارناۋلى قىزمەتتەرىمەن جانە ۇيىمدارىمەن شارتتار, كەلىسىمشارتتار جاساسۋ;»;
مىناداي مازمۇنداعى 20-1) جانە 20-2) تارماقشالارمەن تولىقتىرىلسىن:
«20-1) قىزمەتكەرلەردىڭ جانە سىرتقى بارلاۋ ورگانىنا جاسىرىن كومەك كورسەتەتىن ادامداردىڭ جەكە باسىن, بولىمشەلەردىڭ, وبەكتىلەردىڭ, ءۇي-جايلار مەن كولىك قۇرالدارىنىڭ ۆەدومستۆولىق تيەسىلىگىن شيفرلاۋ ماقساتىندا, ولاردى دايىنداۋ جانە (نەمەسە) رەسىمدەۋ ءتارتىبىن سىرتقى بارلاۋ ورگانىنىڭ باسشىسى ايقىندايتىن باسقا مەملەكەتتىك ورگانداردىڭ, سونداي-اق مەنشىك نىساندارىنا قاراماستان ۇيىمداردىڭ قۇجاتتارىن قازاقستان رەسپۋبليكاسىنان تىسقارى جەرلەردە پايدالانۋ ءۇشىن دايىنداۋ جانە رەسىمدەۋ.
وسى تارماقشادا كوزدەلگەن ماقساتتاردا مەملەكەتتىك ورگاندارعا جانە مەنشىك نىساندارىنا قاراماستان ۇيىمدارعا قۇجاتتاردىڭ جانە قىزمەتتىك كۋالىكتەردىڭ بلانكىلەرىن, ولاردى تولتىرۋ ۇلگىلەرىن سىرتقى بارلاۋ ورگانىنا بەرۋ تۋرالى ورىندالۋعا مىندەتتى سۇراۋ سالۋلار جىبەرۋ;
20-2) سىرتقى بارلاۋ ورگانى باسشىسىنىڭ نەمەسە ول ۋاكىلەتتىك بەرگەن لاۋازىمدى ادامنىڭ جەدەل-قىزمەتتىك جۇمىس ماتەريالدارىنا قازاقستان رەسپۋبليكاسىنىڭ زاڭناماسىنا سايكەس جاريا سيپات بەرىلگەنگە دەيىن ولارعا قولجەتىمدىلىكتى شەكتەۋدى قامتاماسىز ەتەتىن وكىمدىك قىزمەتى ارقىلى بارلاۋ جانە وزگە دە جەدەل-ىزدەستىرۋ قىزمەتىن جۇزەگە اسىرۋ كەزىندە, وسى قىزمەتتىڭ ناتيجەلەرى كورسەتىلەتىن ماتەريالداردى ىسكە اسىرۋ كەزىندە استىرتىن ارەكەت ەتۋدى قامتاماسىز ەتۋ, سونداي-اق اقپارات كوزدەرىن قۇپياسىزداندىرۋعا جول بەرمەۋ جونىندە قاجەتتى شارالار قولدانۋ;»;
4) 9-1-باپ مىناداي رەداكتسيادا جازىلسىن:
«9-1-باپ. قازاقستان رەسپۋبليكاسى قورعانىس مينيسترلىگىنىڭ اسكەري بارلاۋ ورگاندارىنىڭ قۇزىرەتى قازاقستان رەسپۋبليكاسى قورعانىس مينيسترلىگىنىڭ اسكەري بارلاۋ ورگاندارىنىڭ قۇزىرەتىنە وسى زاڭنىڭ 9-بابىنىڭ 2) - 4), 7), 10), 14), 16), 20-1), 20-2) جانە 26) تارماقشالارىن قوسپاعاندا, وسى زاڭنىڭ 8-بابىندا كوزدەلگەن ەرەجەلەردەن باسقا, 9-بابىنىڭ ەرەجەلەرى دە جاتادى.».
2-باپ. وسى زاڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى ن.نازارباەۆ.
استانا, اقوردا, 2014 جىلعى 7 ءساۋىر
№185-V قرز