پاۆلودارلىق پوليتسەيلەر 11 توننادان استام ەسىرتكىنى جويدى, دەپ حابارلايدى Egemen.kz.
Polisia.kz سايتىنىڭ مالىمەتىنشە, پاۆلودار وبلىسىنىڭ اۋماعىندا 11 توننا 260 كەلىدەن استام ەسىرتكى جويىلعان.
پاۆلودار وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى مالىك وڭعارباەۆتىڭ ايتۋىنشا, كوميسسيا بىرقاتار قىلمىستىق ىستەر بويىنشا قارالىپ جاتقان ەسىرتكىلەردى ورتەپ جىبەرگەن.
بيىل اۋىرلىعى ءارتۇرلى دارەجەدەگى ەسىرتكىگە بايلانىستى 22 قىلمىستىق ءىس تەرگەلىپ, سوتقا جولداندى, زاڭسىز اينالىمنان 24 كەلىدەن استام ەسىرتكى مەن پسيحوتروپتىق زاتتار الىندى. پوليتسيا دەپارتامەنتى ەسىرتكىنىڭ زاڭسىز اينالىمى سالاسىنداعى قىلمىستار قىلمىستىق جاۋاپكەرشىلىككە اكەلەتىنىن ەسكەرتەدى.