ەل پرەزيدەنتى قاسىم-جومارت توقاەۆتىڭ جاھاندىق سىن-تەگەۋرىندەر مەن ىشكى ساياسي ۇردىستەردى ەسكەرە وتىرىپ, اسكەري-پاتريوتتىق تاربيە جۇيەسىن جاڭعىرتۋ جونىندەگى تاپسىرمالارىن ىسكە اسىرۋ اياسىندا ەلوردادا ۇلتتىق اسكەري-پاتريوتتىق ورتالىقتا كونفەرەنتسيا ءوتتى.
ءىس-شاراعا پرەزيدەنت اكىمشىلىگى باسشىسىنىڭ ورىنباسارى ايدا بالاەۆا, قورعانىس ءمينيسترى گەنەرال-لەيتەنانت رۋسلان جاقسىلىقوۆ, ىشكى ىستەر ءمينيسترىنىڭ ورىنباسارى – ۇلتتىق ۇلاننىڭ باس قولباسشىسى, گەنەرال-مايور ەركىن بوتاقانوۆ, قازاق ۇلتتىق ونەر ۋنيۆەرسيتەتىنىڭ رەكتورى ايمان مۇساقوجاەۆا جانە ءبىر توپ مادەنيەت قايراتكەرلەرى قاتىستى.
ء«بىر قاراعاندا, بۇل الاڭدا ءارتۇرلى باعىتتاعى وكىلدەر العاش رەت كەزدەسىپ وتىرعان سياقتى. الايدا ولاردى بىرىكتىرەتىن ۇلكەن ورتاق قۇندىلىق بار. ول – رۋحانيات پەن يدەولوگيا, – دەپ اتاپ ءوتتى كونفەرەنتسيانىڭ اشىلۋىندا ايدا بالاەۆا. – اسكەري جانە شىعارماشىلىق پەن مادەني, عىلىمي قوعام ءۇشىن بۇل ۇعىمدار ارقاشان ەرەكشە. ويتكەنى جاستاردى رۋحاني-ادامگەرشىلىك جانە پاتريوتتىق تۇرعىدا تاربيەلەۋ – بارىمىزدەن بىرلىك پەن ىنتىماقتى تالاپ ەتەتىن باستى مىندەت».
«بالالاردىڭ بويىنا پاتريوتتىق رۋح بەرەتىن قاسيەتتى دارىتىپ تاربيەلەۋدەگى اسكەردىڭ ءرولى, بالا كۇنىنەن وتان قورعاۋشى بولۋعا دەگەن ۇمتىلىسى ماڭىزدىلىعىن جوعالتقان ەمەس» دەيدى ايدا بالاەۆا. ويتكەنى ارميانىڭ جاۋىنگەرلىك رۋحى, ونىڭ جاۋىنگەرلىك قابىلەتى پاتريوتيزمگە, ساربازدار مەن وفيتسەرلەردىڭ حالىقتىڭ يگىلىگى ءۇشىن اتقاراتىن ۇلى ميسسياعا دەگەن شىنايى سەنىمىنە بايلانىستى. بۇل تۇرعىدا اسكەري-پاتريوتتىق تاربيەنىڭ ماڭىزى زور.
قورعانىس ۆەدومستۆوسىنىڭ باسشىسى قازىرگى ءداۋىر شىندىعى جاستار مەن اسكەري قىزمەتشىلەردى تاربيەلەۋ نىساندارىن جەتىلدىرۋدى تالاپ ەتەتىنىن اتاپ ءوتتى. بۇل باعىتتا ولاردى مادەنيەت پەن ونەرگە باۋلۋ اسا ماڭىزدى.
«ەندى ءبىر ايدان كەيىن ءبىزدىڭ قارۋلى كۇشتەردىڭ قۇرىلعانىنا 30 جىل تولادى. بۇل – قارۋلى كۇشتەردىڭ بارلىق جاۋىنگەرلەرى, سونىڭ ىشىندە بارلىق قازاقستاندىق لايىقتى اتاپ وتۋگە ءتيىس ايتۋلى مەرەكە. اسكەري قىزمەتتىڭ تاۋەكەلدەن تۇراتىنىن ءبارىڭىز دە بىلەسىزدەر. ەگەر تەحنيكانىڭ, قارۋ-جاراقتىڭ, وتەتىن وقۋ-جاتتىعۋلاردىڭ, اتىستاردىڭ, اۆياتسيا ۇشۋلارىنىڭ كوپتەگەن بولىگىن الىپ تاستاساق تا, جاس, دەنى ساۋ جىگىتتەرىمىزدىڭ شەكتەۋلى كەڭىستىكتە ۇزاق ۋاقىت بىرگە بولۋى تاۋەكەل ەكەنى تۇسىنىكتى», دەدى گەنەرال-لەيتەنانت رۋسلان جاقسىلىقوۆ.
قورعانىس ءمينيسترىنىڭ ايتۋىنشا, مەملەكەت باسشىسىنىڭ «جاڭا قازاقستان» يدەياسى اياسىندا قويعان مىندەتتەرىن ەسكەرە وتىرىپ, ارميا جەكە تۇلعانى قالىپتاستىرۋعا, جاستاردى تاربيەلەۋگە, اسكەري-پاتريوتتىق كلۋبتار قۇرۋعا جانە ولاردى ودان ءارى دامىتۋعا, ۇيىرمە جۇمىستارىن اشۋعا, شىعارماشىلىق ءىس-شارالارعا بەلسەنە قاتىسا وتىرىپ, پاتريوتتىق سەزىمدى قالىپتاستىرۋعا اتسالىسۋعا ءتيىس. سونىمەن بىرگە پاتريوتيزمگە بۇكىل ازاماتتىق قوعام تاربيەلەۋى كەرەك, ويتكەنى اسكەرگە جاستار دۇنيەتانىمى قالىپتاسقان تۇلعا رەتىندە كەلەدى.
قورعانىس ءمينيسترى بۇگىنگى تاڭدا اسكەرلەردە مادەني-دەمالىس جۇمىستارىن ايتارلىقتاي كۇشەيتۋ قاجەتتىگى تۋىنداپ وتىرعانىن اتاپ ءوتتى.
«ەگەر وسىنداعى رەجيسسەرلەر, تەاتر, كينو, تەلەديدار قىزمەتكەرلەرى ءبىلىمى مەن تالانتىن جۇرتقا تانىتىپ جۇرگەن كىسىلەردىڭ ءبارى تاجىريبەلەرىن ءبولىسىپ, وسى جۇمىستى ۇيىمداستىرۋعا جانە جۇرگىزۋگە قول ۇشىن بەرسە, پايداسىن تيگىزەر بولار ەدى», دەدى ر.جاقسىلىقوۆ.
كونفەرەنتسياعا قاتىسۋشىلار قارۋلى كۇشتەردە تەاتر ونەرىن, بەينەلەۋ جانە ادەبي شىعارماشىلىقتى, حورەوگرافيالىق دايىندىقتى جانە مادەنيەتتىڭ باسقا دا باعىتتارىن دامىتۋ ماسەلەلەرىن تالقىلادى. بۇل ءۇشىن ۇلتتىق اسكەري-پاتريوتتىق ورتالىقتىڭ ماتەريالدىق جانە شىعارماشىلىق بازاسى نەگىز بولۋعا كەرەك.
قازاقستاننىڭ قارۋلى كۇشتەرىندە تاربيە جانە يدەولوگيالىق جۇمىستارى ورگاندارى, قۇرامىنا قورعانىس مينيسترلىگىنىڭ ورتالىق ءانسامبلى, ورتالىق اسكەري وركەسترى جانە مەملەكەتتىك اسكەري-تاريحي مۇراجايى بار ۇلتتىق اسكەري-پاتريوتتىق ورتالىق قۇرىلىپ, جۇمىس ىستەپ جاتقانىن اتاپ وتكەن ءجون. اسكەري-پاتريوتتىق تاربيە باعىتىندا ولار اۋقىمدى جۇمىستار اتقارىپ كەلەدى.
جيىنعا قاتىسۋشىلار قورعانىس مينيسترلىگىنىڭ باستامالارىن قولداپ, ولاردى جۇزەگە اسىرۋعا بارىنشا جاردەمدەسۋگە دايىن ەكەنىن جەتكىزدى.
كەزدەسۋ قورىتىندىسىندا جاستاردى اسكەري-پاتريوتتىق تاربيەلەۋ, اسكەري قىزمەتشىلەردىڭ مادەني جانە شىعارماشىلىق الەۋەتىن ارتتىرۋ ماسەلەلەرى بويىنشا بىرلەسكەن ءىس-شارالار جوسپارى ازىرلەنەدى.