الماتىدا «تازا قازاقستان» رەسپۋبليكالىق اكتسياسى اياسىندا قالاداعى ماڭىزدى قوعامدىق كەڭىستىكتەر تازارتىلدى. قاراسۋ جانە بورالداي شاعىناۋداندارىندا, سونداي-اق ۇلكەن الماتى كانالىنىڭ بويىندا اۋقىمدى سەنبىلىكتەر ۇيىمداستىرىلدى, دەپ حابارلايدى Egemen.kz.
قالادا كۇن جاڭبىرلى بولعانىنا قاراماستان, سەنبىلىك جۇمىستارىنا 550-دەن استام ادام قاتىستى.
«تازا قازاقستان»: پوليتسيا 3 مىڭنان استام زاڭسىز قوقىس ءۇيىندىسىن جويدى
جۇمىستاردىڭ تيىمدىلىگىن قامتاماسىز ەتۋ ماقساتىندا 70 بىرلىك ارنايى تەحنيكا جۇمىلدىرىلدى. ۇيىمداسقان جۇمىستىڭ ناتيجەسىندە قوعامدىق اۋماقتار تازارتىلىپ, تۇرمىستىق قالدىقتار شىعارىلدى, وزەن-كول جاعالاۋلارى مەن ىرگەلەس اۋماقتار رەتكە كەلتىرىلدى. جالپى 250 تەكشە مەتر قوقىس شىعارىلدى.
«تازا قازاقستان»: ورمانشىلار وقۋشىلارمەن بىرگە اعاش ەكتى
الاتاۋ اۋدانى اكىمدىگىنىڭ كورىكتەندىرۋ ءبولىمىنىڭ باسشىسى دانيار قارشىبەكوۆ مۇنداي ءىس-شارالاردىڭ جۇيەلى تۇردە وتكىزىلەتىنىن ايتتى.
«قالانى تازارتۋ جانە كوركەيتۋ جۇمىستارى تۇراقتى تۇردە جالعاسادى. قورشاعان ورتانىڭ تازالىعىن ساقتاۋ – ءاربىر تۇرعىننىڭ ورتاق مىندەتى. جاڭبىرلى اۋا رايىنا قاراماستان, الماتىلىقتار جوعارى بەلسەندىلىك تانىتىپ, اكتسيانى قولدادى», دەدى د.قارشىبەكوۆ.