توتەنشە جاعدايلار ءمينيسترى گەنەرال-لەيتەنانت شىڭعىس ءارىنوۆ پاۆلودار وبلىسى ەكىباستۇز قالاسىنىڭ سولنەچنىي كەنتىندە ءورت ءسوندىرۋ بەكەتىن سالتاناتتى تۇردە اشتى. ءىس-شاراعا وبلىس اكىمى اسايىن بايحانوۆ, تجد باستىعى رۋستامبەك امرين, ارداگەرلەر مەن تۇرعىندار قاتىستى, دەپ حابارلايدى Egemen.kz.
شىڭعىس ءارىنوۆ ورتكە قارسى ينفراقۇرىلىمدى نىعايتۋ ۆەدومستۆونىڭ نەگىزگى باسىمدىقتارىنىڭ ءبىرى ەكەنىن اتاپ ءوتتى. ونىڭ ايتۋىنشا جاڭا بولىمشەلەردى سالۋ جانە قولدانىستاعى بولىمدەردى جاڭعىرتۋ زاماناۋي سىن-قاتەرلەرگە ساي ءتيىمدى ارەكەت ەتۋ جۇيەسىن قالىپتاستىرۋعا مۇمكىندىك بەرەدى.
بولىمشە زاماناۋي ستاندارتتارعا ساي جانە قىزمەت اتقارۋعا قاجەتتى بارلىق جاعدايمەن جاراقتالعان. عيماراتتا كاسىبي دايارلىققا ارنالعان وقۋ سىنىپتارى, دەمالۋعا قولايلى ءۇي-جايلار مەن تۇرمىستىق ايماقتار قاراستىرىلعان. جەكە قۇرام دەنەسىن دايارلىقتا ۇستاۋى ءۇشىن قۇتقارۋشىلاردىڭ داعدىلارى مەن توزىمدىلىگىن ۇنەمى جەتىلدىرۋگە مۇمكىندىك بەرەتىن زاماناۋي «Batyr team» سپورت زالى جابدىقتالعان.
تارباعاتايدا جاڭا ءورت ءسوندىرۋ بەكەتى اشىلادى
ءىس-شارا اياسىندا 22 ءورت ءسوندىرۋ بەكەتى قۇتقارۋشىلارىنا جاڭا ءورت ءسوندىرۋ جانە قۇتقارۋ تەحنيكاسىنىڭ كىلتتەرى تابىستالدى. بۇل ءورت ءسوندىرۋ اۆتوتسيستەرنالارى مەن جەدەل-قۇتقارۋ اۆتوكولىكتەرى. قۇرىلعان جاڭا بولىمشە سولنەچنىي كەنتى مەن وعان جاقىن ورنالاسقان 11 اۋىلدىق وكرۋگتىڭ, جالپى سانى 9 مىڭنان استام تۇرعىنى بار ەلدى مەكەندەردىڭ ءورت قاۋىپسىزدىگىن سەنىمدى قامتاماسىز ەتۋگە مۇمكىندىك بەرەدى.
نۇرا اۋدانىندا ءورت ءسوندىرۋ بەكەتى اشىلدى
سونىمەن قاتار ءورت ءسوندىرۋ بەكەتى وڭىردەگى ستراتەگيالىق ماڭىزدى ەنەرگەتيكالىق نىسانداردىڭ ءبىرى ەكىباستۇز 2-مەملەكەتتىك اۋداندىق ەلەكتر ستانتسياسىنىڭ قاۋىپسىزدىگىن قامتاماسىز ەتەدى. بۇل نىسان ەلدىڭ ەنەرگيامەن قامتاماسىز ەتىلۋىندە ماڭىزدى ءرول اتقارادى. ءىس-شارا بارىسىندا ازاماتتىق قورعاۋ جۇيەسىن دامىتۋعا ۇلەس قوسقان جەرگىلىكتى اتقارۋشى ورگانداردىڭ وكىلدەرى, قۇتقارۋشىلار جانە ازاماتتار تجم مەن وبلىس اكىمىنىڭ ۆەدومستۆولىق ناگرادالارىمەن ماراپاتتالدى.