جەلىدە «ساتي» ينكليۋزيۆتى بالاباقشاسىندا ەرەكشە ءبىلىم بەرۋدى قاجەت ەتەتىن بالاعا دورەكىلىك كورسەتكەن تاربيەشىنىڭ ۆيدەوسى جاريالاندى. نۇر-سۇلتان قالالىق ءبىلىم باسقارماسى بولعان وقيعاعا قاتىستى تۇسىنىكتەمە بەردى, دەپ حابارلايدى Egemen.kz.
Instagram-دا جاريالانعان حابارلامانىڭ سيپاتتاماسىندا تۇراقتى ءزابىر كورسەتۋشىلىك, بالالارعا ايقايلاۋ, سونىڭ ىشىندە دورەكى سوزدەر قولدانۋ, دۇرىس تاماقتاندىرماۋ جانە بالا كۇتىمىنە قاتىستى باسقا دا شاعىمدار تۋرالى جازىلعان.
«قازىرگى ۋاقىتتا نۇر-سۇلتان قالاسىنىڭ پوليتسيا دەپارتامەنتى زورلىق-زومبىلىق فاكتىسى بويىنشا بالاباقشا تاربيەشىسىنە قاتىستى قىلمىستىق ءىس قوزعاپ, سوتقا دەيىنگى تەرگەۋ باستالدى», دەلىنگەن ۆەدومستۆونىڭ ءباسپاسوز قىزمەتىنىڭ حابارلاماسىندا.
سونىمەن قاتار ەلوردالىق ءبىلىم باسقارماسى پروكۋراتۋرا مەن سانيتارلىق-ەپيدەميولوگيالىق باقىلاۋ دەپارتامەنتىنە بالاباقشانىڭ ءبىلىم بەرۋ قىزمەتىنە تەكسەرۋ جۇرگىزۋ تۋرالى حات جولداعان.
قازىرگى جاعداي بالالاردىڭ قۇقىقتارىن قورعاۋ كوميتەتىنىڭ باقىلاۋىندا.
باسقارمانىڭ مالىمەتىنشە, بالاباقشا مەملەكەتتىك تاپسىرىس ورنالاستىرىلماعان جەكە ۇيىم بولىپ تابىلادى. مەكتەپكە دەيىنگى ۇيىمنىڭ اكىمشىلىگى ءبىلىم بەرۋ ورگاندارىنا ءوز قىزمەتىنىڭ باستالعانى تۋرالى حابارلاما جىبەرمەگەن. قازىرگى ۋاقىتتا بالاباقشادا 12 ادام جۇمىس ىستەپ, 60-تان استام بالا تاربيەلەنگەنى بەلگىلى بولدى.