تۇركىستان وبلىسى, كەلەس اۋدانى, بىرتىلەك اۋىلدىق وكرۋگىندە ورنالاسقان №9 كولتوعان جالپى ورتا مەكتەبىنىڭ 11-سىنىپ وقۋشىسى جانەركە زەيلبەكوۆا امەريكا قۇراما شتاتتارىنىڭ 8 ۋنيۆەرسيتەتىنەن گرانت ۇتىپ الدى.
اعىلشىن ءتىلىن تەرەڭ مەڭگەرىپ, نازارباەۆ ۋنيۆەرسيتەتىنە تۇسۋگە دايىندالىپ جۇرگەن جانەركە ونلاين تۇردە وقۋ كۋرستارىنان ءوتىپ, شەتەلدەگى بايقاۋلارعا دا قاتىسقان. ناتيجەسىندە, اقش مەملەكەتىنىڭ 8 ۋنيۆەرسيتەتىنەن شاقىرتۋ الدى. بۇگىندە تۇركيا مەملەكەتىنىڭ جوعارى وقۋ ورىندارىنا دا قۇجاتتارىن تاپسىرىپ, ناتيجەسىن كۇتىپ وتىرعان ءبىلىمدى جاس وسىنداي جوعارى ناتيجەگە جەتۋىنە باستى سەبەپكەر بولعان مەكتەبىنىڭ ۇستازدارىنا ءدان ريزا. «جانەركە كارانتيندە مەكتەپ قاشىقتان وقۋ فورماتىنا اۋىسقان كەزدە ۋاقىتىن بوسقا وتكىزبەي, اعىلشىن تىلىنەن قوسىمشا ساباقتارعا قاتىسىپ ءجۇردى. رەپەتيتوردان ونلاين ءدارىس الدى. ەشقانداي گيمنازيا, ليتسەي ەمەس, جالپى ءبىلىم بەرەتىن مەكتەپتە وقيدى. بوستون, نيۋ-يورك, چيكاگو قالالارىندا ورنالاسقان جوعارى وقۋ ورىندارىنان شاقىرتۋ كەلدى. بۇكىل اۋىل قاتتى قۋانىپ جاتىرمىز», دەيدى مەكتەپ ديرەكتورى قالدىگۇل تۇرسىنبەكوۆا.
تۇركياداعى ۋنيۆەرسيتەتكە قۇجات تاپسىرعان جانەركە بولاشاقتا دارىگەر بولعىسى كەلەدى.
تۇركىستان وبلىسى