قولجازبالار مەن سيرەك كىتاپتار تانىستىرىلدى

قولجازبالار جانە سيرەك كىتاپتار ۇلتتىق ورتالىعىنىڭ قول­داۋىمەن وتكەن كورمە اياسىندا ارنايى جاساقتالعان ەكسپوزيتسياعا 20-دان استام قولجاز­با ەڭبەكتەر مەن قۇندى جادىگەرلەر قويىلىپ, كوپشىلىككە تانىستىرۋ جۇمىستارى جۇيەلى تۇردە جۇرگىزىلىپ تۇردى. سونداي-اق جۇرتشىلىق قىزىعا تاماشالاعان اتالعان كورمە سورە­لەرىنە ءدىني قىزمەتكەرلەر جي­ناقتاعان قاسيەتتى قۇران كىتابى­نىڭ ءارتۇرلى نۇسقالارى كورەرمەن نازارىنا ۇسىنىلدى.

مۇندا ءال-فارابي بابامىزدان باستاپ 850-گە جۋىق عۇلامانىڭ ءومىربايانى قامتىلعان «ۋافيات ءال-ايان» سىندى قۇندى ەڭبەكتەر, يسلام دىنىنە قاتىستى ءتۇرلى باس­پا ونىمدەرى, VII عاسىرعا تيەسىلى قاسيەتتى قۇران كىتابىنىڭ كو­شىرمەسى كورمەگە كەلۋشىلەردىڭ نازارىن اۋداردى.

كورمە بارىسىندا قولجازبا جانە سيرەك كىتاپتار ۇلتتىق ور­تالىعىنىڭ عىلىمي قىز­مەتكەرى الماس يمانعاليەۆ پەن «ازىرەت سۇلتان» مەشىتىنىڭ نايب يمامى ءادىلحان ءيمانالى ۇلى كۇندەلىكتى كەلۋشىلەرگە كورمە جۇمىستارىن تانىستىرىپ, سيرەك ەڭبەكتەر بويىن­شا ماعلۇمات بەرىپ وتىردى.