IBF جانە IBO تۇجىرىمدارى بويىنشا ورتا سالماق دارەجەسىندەگى الەم چەمپيونى گەننادي گولوۆكين WBA Super بەلدىگىنىڭ يەگەرى, جاپونيالىق ريوتا مۋراتاعا قارسى وتەتىن جەكپە-جەك تۋرالى پىكىر ءبىلدىردى, دەپ حابارلايدى Egemen.kz Sports.kz-كە سىلتەمە جاساپ.
«مەنىڭ دايىندىعىم ويداعىداي. ارادا بولعان ۇزاق ءۇزىلىس كەزىندە دە باپكەرىم دجوناتان بەنكسپەن بايلانىستى ۇزگەن جوقپىن. سالماعىمدى, سپورتتىق فورمامدى باقىلاعاندى ءجون كوردىم. دايىندىق ءوز كومەگىن تيگىزدى. سپورتتىق بابىمدى جوعالتپاۋ ماڭىزدى بولدى. ويتكەنى مەندە باسقا تاڭداۋ بولمادى. قارسىلاستىڭ بارلىق مۇمكىندىگىن زەرتتەدىك. مەن ريوتا مۋراتانىڭ مىقتى بوكسشى ەكەنىنە سەنىمدىمىن. وليمپيادا بيىگىن باعىندىردى, كاسىپقوي بوكستا الەم چەمپيونى اتاندى. سوندىقتان مەن ونى قۇرمەتتەيمىن. بۇل شايقاسقا دايىندىق ويداعىداي ءجۇرىپ جاتىر», دەدى وتانداسىمىز ءوز ويىمەن ءبولىسىپ.