شىمكەنت جاسىل جەلەگىمەن عانا ەمەس, ءدامدى تاعامدارىمەن دە تانىمال مەگاپوليس. ەكى مىڭنان اسا تاماقتانۋ ورنى بار قالانى ەلىمىزدىڭ گاسترونوميالىق ورتالىعى رەتىندە دە تانىتۋعا مۇمكىندىك مول. وسى ماقساتتا ۇيىمداستىرىلعان ء«دامداسTour» جارمەڭكەسىندە قالانىڭ 48 قوعامدىق تاماقتانۋ ورنى ءوزارا تاجىريبە الماسىپ, ونىمدەرىن كوپشىلىككە ۇسىندى.
«ناۋرىز – شىمقالادا» مەرەكەلىك باعدارلاماسى اياسىندا وتكەن ء«دامداسTour» تۇڭعىش رەستوراندار جارمەڭكەسىنە جەرگىلىكتى Wok-Wok, BarVilka, «باحچي-ساراي», «كاۋسار», ءKوk-Saray, Theپاپا, «لادۋشكي», «19.06» «مادلەن», The secret, Happy cake, «افراسياب», «كوفە مولكا», «بلينچيك» سىندى 50-گە جۋىق تاماقتانۋ ورنى قاتىستى. قالا اكىمى مۇرات ايتەنوۆ جارمەڭكەدە بولىپ, تاماقتانۋ ورىندارىنىڭ ۇجىمىنا العىسىن ايتتى. رەستوران وكىلدەرى دايىنداعان تاعامدار 6 نوميناتسيا بويىنشا ساراپقا سالىندى. قازىلار القاسىنىڭ شەشىمىمەن جەڭىمپازداردى قالا اكىمىنىڭ ورىنباسارى ماقسۇت يساحوۆ ماراپاتتادى. ناقتىراق ايتساق, «ۇزدىك Fast-Food» اتالىمى بويىنشا «كوفە مولكا» , «ۇزدىك سامسا» – «كامال اتا», «ۇزدىك كاۋاپ» – «سافاري», «ۇزدىك كونديتەرلىك ءونىم» – «مادلەن», «ۇزدىك ناۋرىز كوجە» – «بلينچيك», «ۇزدىك پالاۋ» – «افراسياب» رەستوراندارى جەڭىمپاز اتاندى. جەڭىمپازدارعا قارجىلاي سىي-سياپاتتار تابىس ەتىلدى.
جارمەڭكە بارىسىندا مەرەكەلىك كەش ۇيىمداستىرىلىپ, ءانشى Argonya جانە Metis,s توبى مەن قالاعا تانىمال ونەر جۇلدىزدارى ءان شىرقادى. سونداي-اق كەلۋشىلەر اراسىندا كونكۋرستار مەن ويىندار ۇيىمداستىرىلدى. كاسىپكەرلەر ارنايى دايىنداعان مەرەكەلىك تاعامدارىن ساتىلىمعا قويىپ, تابىس كوزىنىڭ وسۋىنە مۇمكىندىك الدى. سونداي-اق جارمەڭكەگە كەلۋشى قالا تۇرعىندارى مەن قوناقتارى «شىمكەنت شايىنان» تەگىن ءدام تاتتى. قالانىڭ 2200 جىلعا جۋىق تاريحى شەڭبەرىندە ىسكە اسقان شارا – قازاقستان رەكوردتار كىتابىنا (قازاقستاندىق اقپاراتتىق-ەنتسيكلوپەديالىق انىقتامالىق) ەنگىزۋ بويىنشا, گاسترورەكوردقا ۇسىنىلدى. Ahmad tea وندىرۋشىلەرىنىڭ قولداۋىمەن دايىندالعان شاي 2200 ادامعا تاراتىلدى.
وسىلايشا شىمكەنت قالاسىندا العاش رەت جۇزەگە اسقان شارا جەرگىلىكتى قوعامدىق تاماقتانۋ ورىندارىنىڭ باسەكەلەستىگىن ارتتىرىپ, سەرۆيستىك قىزمەتتىڭ جاندانا تۇسۋىنە مۇمكىندىك بەردى.
شىمكەنت