پاۆلودارداعى قازاقستان ەلەكتروليز زاۋىتىندا ءورت شىقتى. گاز قۇبىرى جۇيەسىندە تەمپەراتۋرانىڭ كوتەرىلۋى سالدارىنان تۇتىندەپ, ونىڭ سوڭى ورتكە اينالعان, دەپ حابارلايدى Egemen.kz.
«20 ناۋرىزدا قازاقستان ەلەكتروليز زاۋىتىنىڭ ەلەكترودتار شىعاراتىن تسەحىنىڭ گاز تازالاۋ جۇيەسىندە ءورت شىقتى. گاز قۇبىرى جۇيەسىندە تەمپەراتۋرا كوتەرىلىپ, ونىڭ سوڭى ورتكە ۇلاسقان», دەپ حابارلادى «قازاقستان ەلەكتروليز زاۋىتى» اق.
بۇل تۋرالى ونەركاسىپتىك كومپانيا الەۋمەتتىك جەلىدەگى رەسمي پاراقشاسىندا ءمالىم ەتتى. «قەز» اق حابارلاۋىنشا, كەلگەن ءورت ءسوندىرۋ قىزمەتى جالىندى اۋىزدىقتادى. بارلىق قىزمەتكەرلەر ءورت ورنىنان تەز ارادا ەۆاكۋاتسيالاندى.
«تب قىزمەتى جەدەل جاردەم شاقىرىپ, قىزمەتكەرلەردىڭ دەنساۋلىعىن تەكسەردى. جەكە قۇرام اراسىندا وقيعا سالدارىنان ۋلانۋ فاكتىلەرى انىقتالعان جوق», دەپ تولىقتىردى اكتسيونەرلىك قوعام.