IBF جانە IBO تۇجىرىمدارى بويىنشا ورتا سالماق دارەجەسىندەگى الەم چەمپيونى, وتانداسىمىز گەننادي گولوۆكين جاپونيالىق ريوتا مۋراتاعا قارسى وتەتىن جەكپە-جەككە قاتىستى بولجام جاسادى, دەپ حابارلايدى Egemen.kz sports.kz-كە سىلتەمە جاساپ.
«الداعى جەكپە-جەكتىڭ قالاي اياقتالاتىنىن ناقتى بولجاۋ وتە قيىن. نوكاۋت بولۋى ابدەن ىقتيمال. ەكەۋمىز دە شايقاستى تورەشىلەر شەشىمىنە جەتكىزبەۋگە تىرىسامىز. ويتكەنى ول دا, مەن دە قارسىلاسقا قىسىم كورسەتكەندى جاقسى كورەمىز. ءستيلى ۇقساس بوكسشىلار ساناتىنانبىز. ءبىزدىڭ وسى ءستيلىمىز كەزدەسۋدىڭ تارتىستى وتۋىنە سەپتىگىن تيگىزەتىنى داۋسىز», دەيدى قازاقستاندىق بوكسشى ءوز ويىمەن ءبولىسىپ.