اتىراۋ قالاسىنىڭ تۇرعىندارى مەن قوناقتارى 22 ناۋرىزدا قوعامدىق كولىكتە تەگىن جۇرەدى, دەپ حابارلايدى Egemen.kz اتىراۋ قالالىق اكىمدىگىنىڭ ءباسپاسوز قىزمەتىنە سىلتەمە جاساپ.
«اتىراۋ قالاسىنىڭ اكىمدىگى ناۋرىز مەرەكەسىنە وراي تۇرعىندار مەن قوناقتاردى قوعامدىق كولىكپەن تەگىن تاسىمالداۋ تۋرالى باستاما كوتەردى. بۇل باستاماعا جولاۋشى تاسىمالدايتىن كاسىپورىنداردىڭ باسشىلارى قولداۋ ءبىلدىردى. اكىمدىك پەن كاسىپورىندار اراسىنداعى كەلىسىمگە سايكەس 22 ناۋرىزدا اتىراۋ قالاسىنداعى بارلىق باعىتتا جولاۋشى تاسىمالدايتىن قوعامدىق كولىكتەردە جولاقى تەگىن بولادى. بۇل مۇمكىندىكتى جاس ەرەكشەلىگىنە قاراماستان بارلىق جولاۋشى پايدالانا الادى», دەپ حابارلادى اكىمدىكتىڭ ءباسپاسوز قىزمەتى.