IBF جانە IBO تۇجىرىمدارى بويىنشا ورتا سالماق دارەجەسىندەگى الەم چەمپيونى, وتانداسىمىز گەننادي گولوۆكين كەزەكتى قارسىلاسى, جاپونيالىق ريوتا مۋراتانىڭ بۇعان دەيىن كەزدەسكەن قارسىلاستارىنا قاتىستى پىكىر ءبىلدىردى, دەپ حابارلايدى Egemen.kz sports.kz-كە سىلتەمە جاساپ.
«ريوتا مۋراتا بۇگىنگى كۇنگە دەيىن وتە جوعارى دەڭگەيدەگى بوكستىڭ نە ەكەنىن كورگەن جوق. ەندى سەزىنەدى. مەن ونىڭ بۇرىنعى قارسىلاستارىنىڭ دەڭگەيىن تومەندەتكىم كەلمەيدى. ول ەكى جەڭىلىسى ءۇشىن قارىمتا قايتارىپ ۇلگەردى. ريوتا ءوزىنىڭ سۇحباتتارىندا ماعان قارسى وتەتىن شايقاستى كاسىبي مانسابىنىڭ شىڭى دەپ ايتىپ تا ءجۇر. الداعى كەزدەسۋگە بارىنشا تىڭعىلىقتى دايىندالىپ جاتقانىنا ەشقانداي كۇمانىم جوق. كەزىندە بىرگە جاتتىققاننان كەيىن ەكەۋمىز ءبىر-ءبىرىمىزدىڭ قىر-سىرىمىزدى جاقسى بىلەمىز», دەدى گەننادي گولوۆكين سۇحباتتارىنىڭ بىرىندە.