ءوڭىر كوروناۆيرۋس ىندەتىن جۇقتىرۋ كورسەتكىشى بويىنشا «سارى ايماقتىڭ» ساناتىنا ەنگەنىمەن, جالپى ەپيدەميالىق احۋال ءماز ەمەس. سوندىقتان دا ىندەتتىڭ بەتى ءبىرجولا قايتتى دەپ ارقا-جەڭدى كەڭگە سالۋعا بولمايدى.
ايماقتا سوڭعى تاۋلىكتە ىندەت جۇقتىرۋدىڭ سەكسەنگە جۋىق جاعدايى تىركەلدى. وبلىس ەلىمىز بويىنشا التىنشى ورىندا. جىل باسىنان بەرى 18 733 ادامنان كوروناۆيرۋس زەرتحانالىق جولمەن انىقتالىپ, 40-قا جۋىق ادام ىندەتتەن كوز جۇمدى. اقپان ايىندا عانا ساقتىق شارالارىن قولدانباۋدىڭ كەسىرى كورىنە باستادى. قازىر ادامداردىڭ ەتى ءولىپ كەتكەن. العاشقى بەتتەگىدەي بەتپەردە تاعۋ, سانيتارلىق تالاپتاردى بۇلجىتپاي ساقتاۋ بوساڭسي باستادى. سالعىرتتىقتىڭ سالدارى دا كوزگە كورىنىپ تۇر. اقپان ايىندا 4 167 ادام ىندەتكە شالدىقتى.
– بۇگىنگى تاڭدا وبلىس اۋرۋحانالارىندا 20-عا جۋىق ناۋقاس وتە اۋىر حالدە جاتىر. ءبىر ايتا كەتەرلىگى, ىندەت جۇقتىرعانداردىڭ باسىم كوپشىلىگى 60 جاستان اسقاندار, – دەيدى وبلىستىڭ باس سانيتارلىق دارىگەرى ايناگۇل مۋسينا, – وڭىردە جاسى 60-تان اسقان 100 مىڭنان استام ادام بار. ولاردىڭ 59 پايىزى ىندەتكە قارسى ەكپە السا, 10 مىڭنان استامى رەۆاكتسينالاۋدان وتكەن. ءسوز اراسىندا رەۆاكتسينالاۋدان وتپەگەن ەگدە ادامدار ىندەت جۇقتىرا قالسا, قاۋىپپەن كۇرەسۋ قيىن بولاتىنىن تاعى ءبىر قايتالاپ ايتقىم كەلەدى. اشىعىن ايتقاندا, مۇلدە ەكپە الماعان ادامدار قاھارلى كوروناۆيرۋس بىلاي تۇرسىن, «وميكرونعا» دا توزە المايدى. ال ەگەر ۋاقىتىندا ۆاكتسينا العان بولسا, قاي شتامى بولسىن جەڭىل وتەدى.
ۆاكتسينا الۋعا بارلىق جاعداي جاسالعان. وبلىستا قازىر 133 پۋنكت تۇراقتى جۇمىس ىستەپ تۇر. ەكپە ناۋقانى باستالعاننان بەرى ۆاكتسينانىڭ ءبىرىنشى كومپونەنتىمەن 347 946 ادام ەگىلگەن. بۇل وبلىس تۇرعىندارىنىڭ 47,3 پايىزى. ۆاكتسينا سالدىرۋ بويىنشا ەگىندىكول اۋدانى مەن قوسشى قالاسىنىڭ تۇرعىندارى جوسپاردى 100 پايىزعا ورىنداپ, كوش باستاپ كەلەدى. باس سانيتارلىق دارىگەردىڭ ايتۋىنا قاراعاندا, حالىققا قولايلى بولۋى ءۇشىن ەكپە پۋنكتتەرى جانىنان جىلجىمالى بريگادالار دا ۇيىمداستىرىلعان. ولار جۇكتى ايەلدەر مەن بالا ەمىزەتىن انالاردىڭ, زەينەتكەرلەردىڭ, مۇمكىندىگى شەكتەۋلى جانداردىڭ ءوتىنىشى بويىنشا ۇيلەرىنە بارىپ ەكپە ەگەدى.
– بۇگىنگى تاڭدا 8 805 ادام Pfizer ۆاكتسيناسىن الدى. بۇل – وتە تومەن كورسەتكىش. قازىر ءبىز جاسوسپىرىمدەر اراسىندا دا ىندەتتىڭ ەتەك الىپ بارا جاتقانىن كورىپ وتىرمىز. جىل باسىنان بەرى مەكتەپ وقۋشىلارى اراسىندا ىندەتكە دۋشار بولۋ دەرەكتەرى كوبەيىپ كەتتى. ءتىپتى ستۋدەنتتەرگە قاراعاندا, وقۋشىلاردىڭ اراسىندا الاڭداتارلىق جاعداي تۋىنداپ وتىر. مۇنىڭ بارلىعى ەكپە الماعاننىڭ كەسىرى. بالالاردىڭ بويىندا ىندەتكە قارسى يممۋنيتەتتىڭ بولماۋى وسىنداي ولقىلىققا جول بەرىپ وتىر, – دەيدى باس سانيتارلىق دارىگەر.
ەگەر ۆاكتسينانىڭ ءبىرىنشى كومپونەنتىن العاندار 21 كۇننەن كەيىن ەكىنشىسىن سالدىرمايتىن بولسا, وندا ولاردىڭ Ashyq قوسىمشاسىنداعى مارتەبەلەرى كوك تۇسكە وزگەرەدى. ازىرگە «سارى ايماقتىڭ» ساناتىندا بولعانىمىزبەن, قاۋىپتىڭ قاتەرى قاپەرىمىزدە جۇرگەنى ءجون.
اقمولا وبلىسى