ۇلتتىق ستاتيستيكا بيۋروسىنىڭ مالىمەتىنشە, وتكەن جىلى قازاقستانعا 10 982 ادام كەلسە, 32 209 ادام ەلدەن كەتكەن. وسىلايشا, كوشى-قون سالدوسى 21 227 ادامدى قۇرادى, دەپ حابارلايدى Egemen.kz.
اتاپ وتىلگەندەي, ەلدىڭ نەگىزگى كوشى-قون الماسۋى تمد مەملەكەتتەرىمەن ءجۇرىپ جاتىر.
تمد ەلدەرىنەن كەلگەندەردىڭ ۇلەسى 85,5%-دى, كوشىپ كەتكەندەردىڭ ۇلەسى - جالپى كوشىپ-قونۋشىلار سانىنىڭ 85,3%-ىن قۇرادى.
2020 جىلعى قاڭتار-جەلتوقسانمەن سالىستىرعاندا ەل شەگىندە كوشىپ-قونۋشىلاردىڭ سانى 10,5%-عا ازايعان.
وڭىرارالىق اۋىسۋلار بويىنشا حالىقتىڭ كوشى-قونىنىڭ وڭ سالدوسى ەلدىڭ ءتورت وڭىرىندە قالىپتاستى: نۇر-سۇلتان (31 906 ادام), الماتى (29 253 ادام), شىمكەنت (9774 ادام) جانە ماڭعىستاۋ وبلىسى (239 ادام).