ينتەرنەت الاياقتىق اسقىنىپ بارادى

ءىىم كيبەرقىلمىسپەن كۇرەس ورتالىعى باسشىسىنىڭ مىندەتىن اتقارۋشى, پوليتسيا پولكوۆنيگى رۇستەم دۇيسەتاەۆتىڭ مالىمدەۋىنشە, تالداۋ جۇمىستارى مۇنداي قىلمىستاردىڭ دەنى قارىزعا اقشا الۋ ارقىلى جاسالاتىنىن كورسەتىپ بەرگەن. 2021 جىلى تىركەلگەن 6 مىڭنان استام ينتەرنەت الاياقتىق وسىنداي وقيعامەن بايلانىستى. اسىرەسە قىزمەت كورسەتۋدىڭ سان ءتۇرىن سىلتاۋراتىپ, قاراپايىم حالىقتى تاقىرعا وتىرعىزىپ كەتەتىندەرگە تۇساۋ سالۋ قيىن بولىپ تۇر. جىلجىمايتىن م ۇلىكتى نەمەسە كولىك ساتۋ كەزىندە دە الاياقتار ايانىپ قالماۋ­دا. وتكەن جىلى ءۇيىن نە «تەمىر تۇل­پارىن» ساتۋ بارىسىندا الاياقتارعا الدا­نىپ قالعان 2 مىڭنان استام ازامات پولي­تسياعا ارىزدارىن ارقالاپ كەلگەن. ر.دۇي­سەتاەۆ تسيفر­لى تەحنولوگيالاردىڭ دامۋى ينتەرنەت الاياقتىقتىڭ ءورشي تۇسۋىنە دە تۇرت­كى بولىپ وتىرعانىن العا تارت­تى. اتاپ ايتقاندا, اككىلەر تسيفرلى تەحنو­لو­گيالار­دىڭ زور مۇمكىندىگىن قالت جىبەر­مەي­تىن­دىكتەرىن انىق اڭعارتىپ ءجۇر. سوڭعى ۋاقىتتا قوعامدىق رەزونانس تۋدىرعان ينتەرنەت الاياقتىق فاكتىلەرى وسىعان دالەل.

حابارلاندىرۋلار بويىنشا تاۋار نەمەسە قىزمەت كورسەتەتىنى ءۇشىن الدىن الا تولەم الۋ – ينتەرنەت الاياقتىقتىڭ ەڭ كوپ تارالعان ءتاسىلىنىڭ ءبىرى. تىركەلگەن قىل­مىس­تىڭ 8 مىڭنان استامى وسىنداي جول­مەن جاسالعان. ءجيى كەزدەسەتىن ەكىنشى جولى – ميك­رو­كرەديتتىك ۇيىمداردىڭ سايت­­­تارى ار­قىلى ونلاين نەسيە راسىم­دەۋ. ما­سە­لەن, جىل باستالعالى بەرى جۇرت­تىڭ كوبى «زايمەر», «تەنگو», «اقشا – حا­لىق­­قا» سەكىلدى بىرنەشە ميكرو­كرە­ديت­تىك سايت­­تىڭ قۇرىعىنا ىلىككەن. ال جاسال­عان قىلمىس سانى 3 مىڭعا جۋىقتاپ وتىر. ازا­مات­تاردىڭ جەكە دەرەكتەرىنە قول جەت­كىزگەن­نەن كەيىن ولاردىڭ بانك شوتتارىن­داعى بار قارجىنى جىمقىرۋ دەرەكتەرى دە ازايماي تۇر.

«كوپ جاعدايدا الاياقتار وزدەرىن بانك قىزمەتكەرلەرى رەتىندە تانىستىرىپ, الداپ قوڭىراۋ شالادى. الايدا مىنا ءبىر ماسەلەنى دە ايتا كەتكىم كەلەدى. جابىرلەنۋشىلەردىڭ ءبىرازى, اتاپ ايتقاندا 1200-دەن استام ازامات «فيشينگتىك» ينتەرنەت رەسۋرستاردا جەكە دەرەكتەرى مەن مالىمەتتەرىن وز­دەرى ەرىكتى تۇردە ەنگىز­گەن. ال 2 مىڭ­عا جۋىق الاياقتىق ءىس-ارە­كەت­كە ءتۇرلى جوبا­لارعا, ويىندارعا, ينۆەس­تيتسيا­لارعا, ستاۆ­كالارعا اقشا سالىپ, تەز بايۋدى كوز­دە­گەندەردىڭ وزدەرى سەبەپكەر بولعان», دەيدى پولكوۆنيك.

«حايتەك» جەدەل-الدىن الۋ وپەراتسيا­سى كەزىندە انىقتالعان فاكتىنىڭ بىرىندە جابىر­لەنۋشىلەر سانى 350-دەن اسىپ جىعى­لادى. ال كەلتىرىلگەن زالال – 10 ملن تەڭگەدەن استام. اتىراۋ وبلىسىن­دا سە­مەي­لىك جىگىت اعاسى الەۋمەتتىك جەل­ى­لەر­­دە جوعالعان قۇجاتتار تۋرالى حابار­لا­ما­­لاردى تاۋىپ الىپ, سول ارقىلى ميكرو­­كرەديت الۋعا ونلاين ءوتىنىم بەرىپ كەلگەن. ال قۇجاتتارىن جو­عال­تىپ ال­عان ادام­دار مەرزىمى ءوتىپ كەت­­كەن نەسيە­لەرى تۋرا­لى حابارلاما ال­عان­دا عانا الاياق­تار­دىڭ تۇزاعىنا تۇس­كەن­دەرىن ءبىر-اق بىلگەن.