زاڭعا قايشى ارەكەت جاساعان 70 مىڭ قازاقستاندىق ىشكى ىستەر ورگاندارىنىڭ ەسەبىندە تىركەۋدە تۇر. بۇل تۋرالى قر ءىىم ءباسپاسوز حاتشىسى ايگەرىم ورازاليەۆا ءمالىم ەتتى, دەپ حابارلايدى Egemen.kz.
«7-13 اقپان ارالىعىندا «پروفيلاكتيكالىق باقىلاۋ» اتتى رەسپۋبليكالىق جەدەل پروفيلاكتيكالىق شارا ءوتتى. وسى ۋاقىت ارالىعىندا ىشكى ىستەر ورگاندارىنىڭ ەسەبىندە تۇرعان 70 مىڭ ازامات تۇرعىن مەكەن-جايى بويىنشا تەكسەرىلدى.
ونىڭ ىشىندە 5 مىڭ مەرزىمىنەن بۇرىن شارتتى تۇردە بوساتىلعان ازامات بار, مىڭ ازاماتقا اكىمشىلىك باقىلاۋ بەكىتىلگەن جانە جازاسىن قوعامنان الشاقتاماي وتەۋ بەلگىلەنگەن 20 مىڭ ازامات بار. جەدەل شارا ناتيجەسىندە 2 مىڭنان استام ادامنىڭ زاڭ بۇزعانى انىقتالدى جانە 4 ازاماتقا قاتىستى اكىمشىلىك باقىلاۋعا باعىنباعانى ءۇشىن سوتقا دەيىنگى تەرگەۋ امالى ءجۇرىپ جاتىر», دەدى ايگەرىم ورازاليەۆا مينيسترلىكتە ونلاين وتكەن ءباسپاسوز ءماسليحاتىندا.
سونداي-اق, بريفينگ بارىسىندا ازاماتتاردىڭ تەرىس قادامعا بارۋ سەبەپتەرى ايتىلدى.
«سوت شەشىمىنە سايكەس زاڭدى بۇزعان مەرزىمىنەن بۇرىن شارتتى تۇردە بوساتىلعان 19 ادام كەرى قايتارىلدى. سونىمەن قاتار ىشكى ىستەر ورگاندارىنىڭ تىركەۋىندە تۇرعان 76 ازاماتتىڭ قايدا جۇرگەنى انىقتالدى. ادامداردىڭ قۇقىق بۇزۋىنىڭ نەگىزگى سەبەپتەرى, ىشىمدىك ءىشۋ, جۇمىسسىزدىق, قۇقىقتىق ساۋاتىنىڭ تومەندىگى جانە بولعان ىستەن ساباق الماۋ. وسى ورايدا ماسەلەنى شەشۋ جولىندا ىشكى ىستەر ورگاندارىنىڭ ماماندارىمەن قاتار جەرگىلىكتى اتقارۋشى ورگانداردىڭ, ۇكىمەتتىك ەمەس ۇيىم جانە قوعامدىق ۇيىمداردىڭ وكىلدەرى ىسكە تارتىلدى», دەيدى ول.
ونىڭ ايتۋىنشا, 600 سوتتالۋشىنى ەڭبەكپەن قامتۋ ءۇشىن حالىقتى الەۋمەتتىك قورعاۋ بولىمىندە رەسمي حات جىبەرىلدى.