قىزىلوردانىڭ قازالى اۋدانىندا تازالىق ماسەلەسى قولعا الىندى

قىزىلوردا وبلىسىنىڭ قازالى اۋدانىندا تازالىق ماسەلەسى قولعا الىندى. بۇل تۋرالى اۋدان اكىمدىگىنىڭ ءباسپاسوز قىزمەتى حابارلادى. بىزگە كەلىپ تۇسكەن اقپارعا قاراعاندا, اتالعان اۋداندا سوڭعى كەزدە تازالىق ماسەلەسىنە باسىمدىق بەرىلگەن. جەل تۇرسا ءاپ ساتتە شاڭى اسپانعا كوتەرىلەتىن وڭىرگە «Dong Feng»  اۆتوكولىگى جەتكىزىلىپ, كەنت كوشەلەرىندەگى قوقىستى جيناي باستادى. ءارى ول ءبىر مەزەتتە تازالانعان جەرگە سۋ بۇركىپ وتەدى ەكەن. بۇل  اۋداندا شاعىن جانە ورتا بيزنەستى دامىتۋ ماسەلەسى دە نازاردان قاعىس قالماعان. اۋدان اكىمى باحىت جاحانوۆتىڭ جەتەكشىلگىمەن وتكىزىلگەن ارنايى جيىندا وسىعان قاتىستى جۇمىستار پىسىقتالىپ, جاۋاپتى تۇلعالارعا زاڭ شەڭبەرىندە جۇمىس ىستەۋ قاجەتتىگى مىندەتتەلدى. وسى ورايدا, كاسىپكەرلەردىڭ الاڭسىز جۇمىس ىستەۋىنە باسىمدىق بەرىلگەنىن اتاپ وتكەن ءجون. تاعى ءبىر جاعىمدى جاڭالىق, اۋدانداعى ىرگەلى شارۋاشىلىق «رزا» اق-نىڭ ءىرى قارا ءوسىرۋ كەشەنى بازاسىندا شەتەلدىك تەحنولوگيامەن قيدان بيوگاز ءوندىرۋ ءىسى قاراستىرىلۋدا. سونداي-اق, كۇرىش سابانىنان بريكەت دايىنداۋ قاجەتتىگى تۋىنداپ وتىر. ەرتە كوكتەمنەن اعاش وتىرعىزىپ, اينالانىڭ ءسانىن كەلتىرگەن قازالىلىقتار ءاز ناۋرىز مەرەكەسىندە قايىرىمدىلىق شارالارىن وتكىزۋدى دە ەستەن شىعارمادى. سول ءساتتىڭ بىرىندە الەۋمەتتىك قىزمەتكەرلەر قامكوڭىل بالالارعا سىيلىقتار تابىس ەتكەن بولاتىن. ال ورتالىق الاڭدا شىرقالعان ءان مەن كۇمبىرلەگەن كۇي ۇلتتىق ۇلىق مەرەكەنىڭ ءسانىن كەلتىرىپ, جينالعان جۇرتشىلىقتىڭ كوڭىلىن كوككە سامعاتتى. ءامىرحان الماعانبەتوۆ. دەرەككوز: قازالى اۋدانى اكىمدىگىنىڭ ءباسپاسوز قىزمەتى. فوتو: قازالى اۋدانى اكىمدىگىنىڭ ءباسپاسوز قىزمەتى.