الەكساندر بۋبليك مونپەلە ءتۋرنيرىنىڭ شيرەك فينالىنا شىقتى

وسى جارىستىڭ 6-راكەتكاسى بولىپ تىركەلگەن ا.بۋبليك ەكىنشى اينالىمدا دۇنيەجۇزىلىك رەيتينگتە 113-ساتىدا تۇرعان فرانتسيالىق پەر-يۋگ ەربەرمەن كۇش سىناستى.

ءبىرىنشى پارتيادا ەكى برەيك جاساعان قازاقستاندىق تەننيسشى باسىمدىلىق تانىتتى – 6:3. ەكىنشى سەتتە قارسىلاستار برەيك الماسىپ, تاي-برەيكتە ەربەردىڭ اسىعى الشىسىنان ءتۇستى – 7:6 (7:2). ءۇشىنشى, شەشۋشى پارتيانى ا.بۋبليك برەيكپەن باستادى – 2:0. تاعى ءبىر برەيك – 5:2. سودان كەيىن ماتچقا دوپ بەرگەندە, ءوز مۇمكىندىگىن جىبەرگەن جوق – 6:2.

ەكى ساعاتقا جۋىق ۋاقىتقا سوزىلعان تارتىستى باسەكە بارىسىندا قازاقستاندىق سپورتشى 11 ەيس جاساپ, 14 برەيك-پوينتتىڭ التاۋىن ءوز ەسەبىنە جازدى. قارسىلاسى 7 ەيس, 2 برەيكتەن (7 برەيك-پوينت) اسا العان جوق.

ا.بۋبليك جارتىلاي فينالعا شىعۋ ءۇشىن الەمنىڭ 19-ىنشى, وسى دودانىڭ 2-راكەتكاسى, يسپانيالىق روبەرتو باۋتيستا-اگۋت نەمەسە رەيتينگتە 130-ساتىداعى فرانتسيالىق جيل سيموننىڭ بىرەۋىمەن تالاسادى.